Tue Dec 12, 2023 10:56 PM 1ST
Location
Sign In
Tue Dec 12, 2023 10:56 PM 1ST
Location
Sign In
17 Jun 2026 07:57 IST
Share News :
കോഴിക്കോട്: ഏറെ വിവാദമായ ‘കാഫിർ’ സ്ക്രീൻഷോട്ട് കേസിൽ പ്രത്യേക അന്വേഷണ സംഘം (SIT) ആദ്യ അറസ്റ്റ് രേഖപ്പെടുത്തി. വ്യാജ സ്ക്രീൻഷോട്ട് ആദ്യം പങ്കുവെച്ചെന്ന ആരോപണത്തെ തുടർന്ന് ഡിവൈഎഫ്ഐ നേതാവ് ജിതിൻ ഭാസ്കറെയാണ് അന്വേഷണ സംഘം അറസ്റ്റ് ചെയ്തത്.
ചോദ്യം ചെയ്യലിനായി വിളിച്ചുവരുത്തിയ ജിതിൻ ഭാസ്കറിന്റെ അറസ്റ്റ് പിന്നീട് രേഖപ്പെടുത്തുകയായിരുന്നു. പ്രത്യേക അന്വേഷണ സംഘം രൂപീകരിച്ചതിന് ശേഷം രണ്ടാമത്തെ ആഴ്ചയിലാണ് കേസിൽ ആദ്യ അറസ്റ്റ് ഉണ്ടായിരിക്കുന്നത്.
ഡിവൈഎഫ്ഐ വടകര ബ്ലോക്ക് കമ്മിറ്റി അംഗവും സിപിഎം തിരുവള്ളൂർ തുരുത്തി ലോക്കൽ കമ്മിറ്റി അംഗവുമായ ജിതിൻ ഭാസ്കറാണ് അറസ്റ്റിലായത്. വിവാദ സ്ക്രീൻഷോട്ട് ആദ്യം പ്രത്യക്ഷപ്പെട്ടത് ‘വടകര സ്ക്വാഡ്’ എന്ന വാട്സ്ആപ്പ് ഗ്രൂപ്പിലാണെന്ന് അന്വേഷണത്തിൽ കണ്ടെത്തിയിരുന്നു. ഗ്രൂപ്പിന്റെ അഡ്മിനായിരുന്ന ജിതിൻ ഭാസ്കറാണ് സ്ക്രീൻഷോട്ട് ആദ്യം ഗ്രൂപ്പിൽ പങ്കുവെച്ചതെന്നും തുടർന്ന് അത് വ്യാപകമായി പ്രചരിച്ചുവെന്നുമാണ് അന്വേഷണ സംഘത്തിന്റെ കണ്ടെത്തൽ.
നേരത്തെ ഒരിക്കൽ ചോദ്യം ചെയ്തിരുന്ന ജിതിൻ ഭാസ്കറിനെ ഇന്ന് വീണ്ടും വിളിച്ചുവരുത്തിയാണ് അറസ്റ്റ് രേഖപ്പെടുത്തിയത്. സ്ക്രീൻഷോട്ട് ആരാണ് നിർമ്മിച്ചത്, അതിന് പിന്നിൽ മറ്റാരുടെയെങ്കിലും നിർദേശമോ ഇടപെടലോ ഉണ്ടായിരുന്നോ, പ്രചാരണത്തിന് പിന്നിൽ സംഘടിത നീക്കമുണ്ടായിരുന്നോ തുടങ്ങിയ കാര്യങ്ങളാണ് ഇനി അന്വേഷണ സംഘം പരിശോധിക്കുന്നത്.
കേസിൽ 2014-ലെ ഇന്ത്യൻ ശിക്ഷാനിയമ (IPC) വകുപ്പുകളാണ് ചുമത്തിയിരിക്കുന്നത്. സാമുദായിക ഐക്യം തകർക്കാൻ ശ്രമിക്കൽ, കലാപത്തിന് പ്രേരണ നൽകൽ, തെളിവ് നശിപ്പിക്കൽ, കുറ്റകൃത്യത്തിന് സഹായം നൽകൽ തുടങ്ങിയ ഗുരുതര വകുപ്പുകൾ ഉൾപ്പെടുത്തിയിട്ടുണ്ട്.
ഷാഫി പറമ്പിലിനെ മതപരമായി ചിത്രീകരിക്കുകയും കെ.കെ. ശൈലജയെ ‘കാഫിർ’ ആയി വിശേഷിപ്പിക്കുകയും ചെയ്ത വ്യാജ പോസ്റ്റാണ് വിവാദത്തിന് കാരണമായത്. യൂത്ത് ലീഗ് പ്രവർത്തകൻ മുഹമ്മദ് കാസിമിനെ കേന്ദ്രീകരിച്ചായിരുന്നു പോസ്റ്റ് പ്രചരിച്ചത്.
കേസിൽ ഡിവൈഎഫ്ഐ നേതാവിന്റെ അറസ്റ്റ് രേഖപ്പെടുത്തിയതോടെ രാഷ്ട്രീയ തലത്തിലും ചർച്ചകൾ ശക്തമായിരിക്കുകയാണ്.
Follow us on :
Tags:
More in Related News
Please select your location.
