ബാറ്ററി മോഷ്ടാവിനെ പിടികൂടി

കോഴിക്കോട് : വാഹനങ്ങളിൽനിന്നും സ്ഥിരമായി ബാറ്ററി മോഷണം നടത്തുന്ന പ്രതി പിടിയിൽ. പ്രൈസ് ഹെൽത്ത് കെയർ ഫൗണ്ടേഷൻ എന്ന സ്ഥപനത്തിൻറ ആവശ്യത്തിനായി ഓടുന്ന അശോക് ലയലൻഡ് ദോസ്ത് വണ്ടിയുടെ 10000 രൂപ വില വരുന്ന ബാറ്ററി പാറോപ്പടി സിൽവർ ഹിൽസ് സ്കൂളിനടുത്തുള്ള ആമിന സെൻറർ ബിൽഡിംങിൻെറ പാർക്കിംങ് ഏരിയയിൽ നിന്നും, വെള്ളിമാടുകുന്നു ലോ കോളേജിന് സമീപമുള്ള ഗുഡ്സ് സ്റ്റാൻറിൽ നിർത്തിയിട്ട ഗുഡ്സ് ഓട്ടോയുടെ 5000 രൂപ വില വരുന്ന ബാറ്ററിയും മോഷണം നടത്തിയ പാറോപ്പടി സ്വദേശി പാറോപ്പടിപറമ്പിൽ ഹാഷിർ (23 വയസ്സ്) നെയാണ് ചേവായൂർ പോലീസ് അറസ്റ്റ് ചെയ്തത്.

ബാറ്ററി മോഷണവുമായി ബന്ധപ്പെട്ട് ചേവായൂർ പോലീസ് കേസ്സ് രജിസ്റ്റർ ചെയ്ത് അന്വേഷണം നടത്തിവരവെ ബാറ്ററി മോഷണം പോയതിന്റെ സമീപ പ്രദേശങ്ങളിലെ നിരവധി CCTV ദൃശ്യങ്ങൾ പരിശേധിക്കുകയും, രണ്ട് മോഷണം നടത്തിയിതും ഒരാളാണെന്ന് മനസ്സിലാക്കുകയായിരുന്നു. തുടർന്നുള്ള അന്വേഷണത്തിൽ പ്രതിയെപ്പറ്റി മനസ്സിലാക്കുകയും പാറോപ്പടി വെച്ച് ചേവായൂർ പോലീസ് സ്റ്റേഷനിലെ SI മാരായ നിമിൻ കെ ദിവാകരൻ , രോഹിത് , SCPO മാരായ പ്രസാദ്, വിനോദ് എന്നിവരുടെ നേതൃത്വത്തിലുള്ള സംഘം കസ്റ്റഡിയിൽ എടുക്കുകയായിരുന്നു. പ്രതിക്ക് ചേവായൂർ പോലീസ് സ്റ്റേഷനിൽ മയക്കുമരുന്ന് ഉപയോഗിച്ചതിന് കേസ്സുകൾ നിലവിലുണ്ട്. പ്രതിയെ കോടതിയിൽ ഹാജരാക്കിയതിൽ റിമാൻഡ് ചെയ്തു

Tags:

Tag 1 battery theif catched