Waqf Amendment : Protest Conference to be held on February 24 in Kozhikode

കോഴിക്കോട് : വെൽഫെയർ പാർട്ടി ജില്ലാ കമ്മിറ്റി ആഭിമുഖ്യത്തിൽ 24ന് വഖഫ് നിയമ ഭേദഗതിക്കെതിരെ പ്രക്ഷോഭസമ്മേളനം സംഘടിപ്പിക്കുന്നു.

മുസ്‌ലിം സമൂഹവുമായി ബന്ധപ്പെട്ടതിനെയെല്ലാം പൈശാചികവത്കരിച്ചും അവരുടെ അസ്തിത്വത്തെ തന്നെ ചോദ്യം ചെയ്യുന്ന വിധത്തിൽ മുസ്ലിം വ്യക്തി നിയമങ്ങളെ ഇല്ലാതാക്കിയും മുന്നോട്ടു പോകുന്ന കേന്ദ്ര സർക്കാർ ഒടുവിൽ കൈവെച്ചത് വഖഫ് നിയമത്തിലാണ്. ഇന്ന് രാജ്യത്തെ ഒരുപാട് വിദ്യാഭ്യാസ സ്ഥാപനങ്ങളും മറ്റും പ്രവർത്തിക്കുന്നത് വഖഫ് ഭൂമികളിലാണ്. പാർലമെൻ്റ് പാസ്സാക്കിയ വഖഫ് നിയമത്തിലടിസ്ഥാനമാക്കിയാണ് ഇന്ത്യയിൽ വഖഫ് സ്വത്തുക്കൾ കൈകാര്യം ചെയ്യപ്പെടുന്നത്.

ജോയിന്റ് പാർലമെൻ്ററി കമ്മിറ്റി ഏകപക്ഷീയമായി പാസ്സാക്കിയ വഖഫ് ബേദഗതി നിയമം പാർലമെൻ്റിന് മുന്നിൽ വെച്ചിരിക്കുന്ന സാഹചര്യത്തിലാണ് വഖഫ് ഭേദഗതിയുമായി ബന്ധപ്പെട്ട് സമ്മേളനം നടത്താൻ പാർട്ടി തീരുമാനിക്കുന്നത്. വ്യത്യസ്‌ത സാമൂഹിക രാഷ്ട്രീയ മേഖലകളിലുള്ള പ്രമുഖർ പരിപാടിയിൽ പങ്കെടുക്കും.

വാർത്താസമ്മേളനത്തിൽ നാസർ കീഴുപറമ്പ് ( വെൽഫെയർ പാർട്ടി സംസ്ഥാന പ്രവർത്തക സമിതി അംഗം )

ടി കെ മാധവൻ ( വെൽഫെയർ പാർട്ടി കോഴിക്കോട് ജില്ല പ്രസിഡൻ്റ് )

മുസ്ത‌ഫ പാലാഴി ( വെൽഫെയർ പാർട്ടി കോഴിക്കോട് ജില്ല വൈസ് പ്രസിഡന്റ് )

സുബൈദ കക്കോടി ( വെൽഫെയർ പാർട്ടി കോഴിക്കോട് ജില്ല സമിതി അംഗം) എന്നിവർ പങ്കെടുത്തു.