വാദ്യലയം 2026: ഒരു വനിതയടക്കം 11 പേരടങ്ങുന്ന സംഘം മേളത്തിൽ അരങ്ങേറ്റം കുറിച്ചു

സൊഹാർ: മലയാളത്തിന്റെ തനതായ വാദ്യകലയായ പാഞ്ചാരി മേളം പ്രവാസ മണ്ണിലും പെയ്തിറങ്ങി. വാദ്യലയം 2026 എന്ന പേരിൽ സൊഹാറിലെ ഗ്രീൻ ഓയാസിസ് ഹോട്ടൽ ഓഡിറ്റോറിയത്തിൽ നടന്ന വിപുലമായ ചടങ്ങിൽ ഒരു വനിതയടക്കം 11 പേരടങ്ങുന്ന സംഘമാണ് മേളത്തിൽ അരങ്ങേറ്റം കുറിച്ചത്.

ചിട്ടയായ പരിശീലനത്തിനും മാസങ്ങൾ നീണ്ട കഠിനാധ്വാനത്തിനും ശേഷം നടന്ന അരങ്ങേറ്റത്തിൽ കണ്ണൻ നമ്പ്യാർ, വിനോദ് മറ്റം, ഗീത കണ്ണൻ, ലിജു ബാലകൃഷ്ണൻ, സഞ്ജീവ് സോമശേഖരൻ, അനീഷ് ഏറാടത്ത്, അഭിജിത്ത് നാരായൺ, സതീഷ് ബാബു, അനുജ് വർമ്മ, ബിജു ബാലൻ, ആദിത്ത് സന്തോഷ് എന്നീ വാദ്യകലാകാരന്മാരാണ് അരങ്ങേറ്റം കുറിച്ചത്.

അവരുടെ ഏകോപിതവും താളത്മകവുമായ പ്രകടനം പ്രേക്ഷകരെ ആകർഷിച്ചു. ഗുരു പ്രസാദ് അയിലൂർ നയിച്ച മേളത്തിൽ കേരളത്തിൽ നിന്നെത്തിയ വാദ്യകലാകാരന്മാരായ കല്ലൂർ ഉണ്ണികൃഷ്ണൻ മാരാർ, കല്ലൂർ ജയൻ, പട്ടിക്കാട് അജി, അഖിൽ മാരാർ, രാജേഷ്‌കുമാർ എന്നിവരോടൊപ്പം മേളം മസ്‌കറ്റ് ടീമിലെ 50 ഓളം വാദ്യകലാകാരന്മാരും പങ്കെടുത്ത വാദ്യമേളം മേളാസ്വാദകരെ ആവേശഭരിതരാക്കി.

ട്രിപ്പിൾ എ ഇവന്റൻസിന്റെ പേരിൽ മേളം മസ്കറ്റ് – സോഹാർ ബ്രാഞ്ച് സംഘടിപ്പിച്ച പരിപാടി ചിട്ടയായ പ്രകടനം കൊണ്ട് ശ്രദ്ധേയമായി. ഇന്ത്യൻ സോഷ്യൽ ക്ലബ് സൊഹാർ പ്രസിഡണ്ട്‌ രാജേഷ് കൊണ്ടാല, സോഹാർ മലയാളി സംഘം പ്രസിഡന്റ്‌ മനോജ്‌കുമാർ, നവചേതന സെക്രട്ടറി ഹരികൃഷ്ണൻ, കൂടാതെ പവി ഗോവിന്ദ്, ജോൺ സക്കറിയ, ഹാഷിം, ബഷീർ, ബിപിൻ രവീന്ദ്രൻ എന്നിവർ ആശംസകൾ നേർന്നു.

വാദ്യകലയിൽ സോഹാറിൽ നിന്നുള്ള ആദ്യ ബാച്ച് നടത്തിയ ഈ പ്രകടനം വിദേശത്തും കേരളത്തിന്റെ ചെണ്ടമേള പാരമ്പര്യം ശക്തമായി തുടരുന്നുവെന്നതിന്റെ തെളിവായി മാറി. മേളം മസ്കറ്റ് പ്രതിനിധി രമേശ്‌ പാലക്കൽ സ്വാഗതവും സൊഹാർ പ്രതിനിധി അഭിജിത് നാരായൺ നന്ദിയും പറഞ്ഞു.

റിപ്പോർട്ട്: റഫീഖ് പറമ്പ്ത്ത് / ഷാർഗി ഗംഗാധർ

⭕⭕⭕⭕⭕⭕⭕⭕⭕

ഗൾഫ് വാർത്തകൾക്കായി https://enlightmedia.in/news/category/gulf

For: News & Advertisements: +968 95210987 enlightmediaoman@gmail.com

⭕⭕⭕⭕⭕⭕⭕⭕⭕

ഗൾഫ് വാർത്തകളും, ജോലി ഒഴിവുകളും അറിയുന്നതിനായി വാട്സ്ആപ് ഗ്രൂപ്പിൽ ജോയിൻ ചെയ്യുക https://chat.whatsapp.com/L0A5fecOrEXEg27R3RFc1a

Facebook: https://www.facebook.com/MalayalamVarthakalNews

Instagram: https://www.instagram.com/enlightmediaom an

YouTube: https://www.youtube.com/@EnlightMediaOman

⭕⭕⭕⭕⭕⭕⭕⭕⭕

Tags: