Three arrested with cannabis and methamphetamine during excise raids in Kozhikode city

കോഴിക്കോട് : കോഴിക്കോട്

മയക്കുമരുന്നുമായി രണ്ട് യുവാക്കളെ എക്സൈസ് അറസ്റ്റ് ചെയ്തു. കോടശ്ശേരി സ്വദേശികളായ മുഹമ്മദ് ഫർഹാൻ.കെ.ടി (24), അനന്തു(24) എന്നിവരാണ് 48 ഗ്രാം മെത്താംഫിറ്റമിനുമായി പിടിയിലായത്.

കോഴിക്കോട് എക്സൈസ് ഇന്റലിജൻസ് നൽകിയ വിവരത്തിന്റെ അടിസ്ഥാനത്തിൽ

കോഴിക്കോട് എക്സൈസ് സർക്കിൾ ഇൻസ്പെക്ടർ ടി.രാജീവും സംഘവും ചേർന്ന് നടത്തിയ പരിശോധനയിലാണ് പ്രതികൾ പിടിയിലായത്. അസിസ്റ്റൻറ് എക്സൈസ് ഇൻസ്പെക്ടർമാരായ ഉണ്ണികൃഷ്ണൻ, മനോജ് കുമാർ, പ്രിവന്റീവ് ഓഫീസർമാരായ റിഷിത്ത്, ഷാജു.സി.പി, ജുബീഷ് ,സിവിൽ എക്സൈസ് ഓഫീസർമാരായ അഖിൽ, ജിത്തു, അജിത്ത് എന്നിവരടങ്ങിയ ടീം ആണ് പ്രതികളെ പിടികൂടിയത്.

മറ്റൊരു കേസിൽ കോഴിക്കോട് എക്സൈസ് സ്‌ക്വാഡ് സർക്കിൾ ഇൻസ്പെക്ടർ പ്രജിത്ത്.എ യും പാർട്ടിയും ചേർന്ന് 2.524 കിലോഗ്രാം കഞ്ചാവുമായി പശ്ചിമ ബംഗാൾ സ്വദേശി ഫാരിദുൾ മൊല്ല(34) എന്നയാളെ അറസ്റ്റ് ചെയ്തു.

അസിസ്റ്റന്റ് എക്സൈസ് ഇൻസ്‌പെക്ടർമാരായ വി.പി.ശിവദാസൻ, വിനോദ്.പി, പ്രിവന്റീവ് ഓഫീസർ അബ്‌ദുൾ ജബ്ബാർ, ഷാജു.സി.പി, സിവിൽ എക്സൈസ് ഓഫീസർമാരായ ജിഷ്ണു, റഹൂഫ്, വനിത സിവിൽ എക്സൈസ് ഓഫീസർ ഷൈനി.ബി.എൻ എന്നിവരും സംഘത്തിലുണ്ടായിരുന്നു.