ബ്രേക്ക് നഷ്ടമായ തീർത്ഥാടക ബസ് 2 കിലോമീറ്റർ ഓടി തിട്ടയിലിടിച്ചു മറിഞ്ഞു.

19 Dec 2024 21:55 IST

Share News :

The pilgrimage bus, which lost its brake, ran for 2 km and overturned.

മുണ്ടക്കയം ഈസ്റ്റ്: ബ്രേക്ക് നഷ്ടമായ തീർത്ഥാടക ബസ് 2 കിലോമീറ്റർ ഓടി തിട്ടയിലിടിച്ചു മറിഞ്ഞു.

ശബരിമല തീർഥാടകർ സഞ്ചരിച്ച മിനി ബസ് ദേശീയ പാതയിൽ ബ്രേക്ക് നഷ്ടപ്പെട്ട് ഓടിയത് രണ്ട് കിലോമീറ്ററോളം ദൂരം. ഒടുവിൽ തിട്ടയിൽ ഇടിപ്പിച്ച് കയറ്റിയ ബസ്സ് റോഡിൽ വട്ടം മറിയുകയായിരുന്നു.

തമിഴ്നാട്ടിലെ ചെങ്കൽ പേട്ട്, മരുവനം ഗ്രാമത്തിൽ നിന്നുള്ള ശബരിമല തീർഥാടകർ സഞ്ചരിച്ച മിനി ബസ് വൻ അപകടത്തിൽ നിന്നാണ് തലനാരിഴയ്ക്ക് രക്ഷപ്പെട്ടത്. ദേശീയ പാതയിൽ പെരുവന്താനത്തിന് സമീപം ചുഴുപ്പിൽ വെച്ച് ബ്രേക്ക് നഷ്ടപ്പെട്ട മിനി ബസ് 21തീർഥാടകാരുടെ വാഹനമാണ് അപകടത്തിൽപ്പെട്ടത്. കുത്തിറക്കവും കൊടും വളവുമുള്ള ഹൈറേഞ്ച് പാതയിലൂടെ വന്ന ബസ്സിൻ്റെ ബ്രേക്ക് നഷ്ടപ്പെട്ടത് ഒപ്പമുള്ള യാത്രക്കാരെ അറിയിക്കാതെ ഡ്രൈവർ മുനിസ്വാമി (33)മനോ ധൈര്യം വിടാതെ ഓടിച്ചു പോരുകയായിരുന്നു. ബസിലുള്ളവരുടെ ജീവനും എതിരെ വന്നിരുന്ന വാഹന യാത്രക്കാരുടെ ജീവനും മനസിൽ കണ്ട ഇയാൾ 2 കിലോ കിലോമിറ്ററോളം ഓടി. ഒടുവിൽ കൊടുക്കുത്തിയ്ക്ക് സമീപം സെന്റ് ആണീസ് കോളേജിന്റെ സമീപത്തെ പാതയുടെ വശത്തെ തിട്ടയിൽ ഡ്രൈവർ ബസ്സ് ഇടിച്ച് കയറ്റുകയായിരുന്നു.തിട്ടയിൽ ഇടിച്ച ബസ് റോഡിൽ തന്നെ വട്ടം മറിഞ്ഞു. ബ്രേക്ക് നഷ്ടപ്പെട്ടത് അറിഞ്ഞ മിനി ബസ് ഡ്രൈവർ ഓൺ മുടക്കിയും ലൈറ്റിട്ടും എതിരെ വന്ന വാഹനങ്ങളിൽ വഴി മാറ്റി മറുവശത്ത് അഗാധമായ കൊക്ക കാരണം ഡ്രൈവർ ഇടതുവശം ചേർത്താണ് വാഹനം ഓടിച്ച് വന്നത് പെരുവന്താനം ടൗണിന് സമീപം ബൈ റോഡിലേക്ക് കയറ്റൂർ വാഹനം നിർത്തുവാനുള്ള ശ്രമം ഡ്രൈവർ നടത്തിയെങ്കിലും നിരന്നു കിടക്കുന്ന ഓട്ടോറിക്ഷകൾ കാരണം ആ പാതയിലേക്കും കയറ്റാതെ വീണ്ടും ദേശീയപാത വഴി ഓടിക്കുകയായിരുന്നു തുടർന്ന് കോളേജിന് സമീപത്ത് നിർത്തുവാൻ ശ്രമം നടത്തിയെങ്കിലും വിദ്യാർഥികൾ നിൽക്കുന്നത് കാരണം വീണ്ടും മുന്നോട്ട് നീങ്ങിയ ബസ് തൊട്ടുമുന്നിലെ വളവിൽ കയറുന്നതിനു മുന്നേ തന്നെ ഡ്രൈവർ സമീപത്തെ തിട്ടയിൽ ഇടിപ്പിച്ചു കയറ്റി. അപകടത്തിൽ മൂന്നുപേർക്ക് പരിക്കേറ്റു ഡ്രൈവർ ഉൾപ്പെടെ 21പേരാണ് വാഹനത്തിൽ ഉണ്ടായിരുന്നത് ഇതിൽ 6 കുട്ടികളും ഉണ്ടായിരുന്നു.

അപകടത്തിൽ ഗുരുതര പരിക്കേറ്റ കാർത്തിക് , പൊന്നു സ്വാമി എന്നിവരെ കോട്ടയം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. മറ്റുള്ളവർ മുപ്പത്തിയഞ്ചാം മൈലിലെ സ്വകാര്യാശുപത്രിയിൽ ചികിത്സ തേടി.