The new building for Chembarika Govt.U.P. School is being prepared by incorporating it in the Kasaragod Development Package.

മേല്‍പറമ്പ: ചെമ്മനാട് ഗ്രാമ പഞ്ചായത്തിലെ ചെമ്പരിക്ക ഗവ. യു പി സ്‌കൂകൂളിന് കാസര്‍കോട് വികസന പാക്കേജില്‍ ഉള്‍പുത്തി ഒരു കോടി 80 ലക്ഷം രൂപ ചെലവില്‍ പുതുതായി നിര്‍മ്മിക്കുന്ന കെട്ടിടത്തിന്റെ ശിലാസ്ഥാപനം മണ്ഡലം എം എല്‍ എ അഡ്വ. സി എച്ച് കുഞ്ഞമ്പു നിര്‍വ്വഹിച്ചു. ഗ്രാമ പഞ്ചായത്ത് പ്രസിഡന്റ് സുഫൈജ അബുബക്കര്‍ അധ്യക്ഷത വഹിച്ചു. ആരോഗ്യ വിദ്യാഭ്യാസ സ്റ്റാന്റിംഗ് കമ്മിറ്റി ചെയര്‍പേഴ്‌സന്‍ രമ ഗംഗാധരന്‍, വാര്‍ഡ് മെമ്പര്‍ അഹമ്മദ് കല്ലട്ര, ഏഇഒ അഗസ്റ്റിന്‍ ബര്‍ണാഡ് മൊന്തേരോ, നിര്‍മ്മിതി കേന്ദ്രം പ്രോജക്ട് എഞ്ചിനിയര്‍ ബിന്ദു, എസ് എം സി ചെയര്‍മാന്‍ സി എ യൂസഫ്, മദര്‍ പിടിഎ പ്രസിഡന്റ് സുധ കെ, മുന്‍ പ്രധാനധ്യാപകന്‍ ഉണ്ണികൃഷ്ണന്‍ മാസ്റ്റര്‍, രാഷ്ടീയ പാര്‍ട്ടി നേതാക്കളായ ഖത്തര്‍ മജീദ്, കരുണാകരന്‍ സി കെ, ഖാദര്‍ ഇരിക്കൂര്‍, എം മണികണ്ഠന്‍, മൊയ്തീന്‍ കുഞ്ഞി മെഡിക്കല്‍, ടി എം എ അബ്ദുള്‍ റഹ്മാന്‍ തുരുത്തി, അജിത് സി കളനാട് എന്നിവര്‍ സംസാരിച്ചു. പിടിഎ പ്രസിഡന്റ് ഹമീദ് മാണിയില്‍ സ്വാഗതവും പ്രധാനധ്യാപിക സുജ മേഴ്‌സി ജോസ് നന്ദിയും പറഞ്ഞു. ഇതോടൊപ്പം സ്‌കൂളില്‍ ആരംഭിച്ച കേരള സ്റ്റേറ്റ് ഭാരത് സ്‌കൗട്ട്‌സ് ആന്‍ഡ് ഗൈഡ്‌സ് ന്റെ ഗൈഡ് യൂണിറ്റിന്റെ ഉദ്ഘാടനവും സ്‌കൗട്ട്‌സ് ആന്‍ഡ് ഗൈഡ്‌സ് ജില്ലാ പ്രസിഡന്റ് കൂടിയായ അഡ്വ. സി എച്ച് കുഞ്ഞമ്പു എംഎല്‍എ നിര്‍വ്വഹിച്ചു. മൂന്ന് മാസത്തെ പരിശീലനം ലഭിച്ച 16 ഗൈഡുകൾക്ക് ഗൈഡ് ക്യാപ്റ്റന്‍ സീന ടീച്ചറുടെ നേതൃത്വത്തിൽ സ്‌കാര്‍ഫും ബാഡ്ജും സ്‌കൂള്‍ ഗ്രൗണ്ടില്‍ വെച്ച് നല്‍കി. ഉപജില്ല ചെയര്‍മാനും കാസറഗോഡ് എഇഓയും ആയ അഗസ്റ്റിന്‍ ബര്‍ണാഡ് മൊന്തേരോ സലൂട്ട് സ്വീകരിച്ചു. പിടിഎ, മദര്‍ പിടിഎ, എസ് എം സി ഭാരവാഹികളും ചടങ്ങില്‍ സംബന്ധിച്ചു.