തീരമേഖലയിൽ കടന്നലിന്റെയും,കാട്ടുപന്നിയുടെയും ശല്യം രൂക്ഷമായി ..

11 Nov 2025 19:30 IST

Share News :

The disturbance of seagulls and wild boars has intensified in the coastal area.

ചാവക്കാട്:കടന്നലും കാട്ടുപന്നിയും തീരമേഖല പ്രദേശമായ കടപ്പുറം ഇരട്ടപ്പുഴയിലെ പൊതുജനങ്ങളുടെ ഉറക്കംകെടുത്തുന്നു.കടന്നലിന്റെയും,കാട്ടുപന്നിയുടെയും ശല്യം രൂക്ഷമായതോടെ പ്രദേശവാസികൾ ആശങ്കയിലാണ്.വെള്ളിക്കടന്നലിന്റെ കുത്തുകൊണ്ട് പലരും ഭയപ്പാടിലാണ് കഴിയുന്നത്.കടപ്പുറം പഞ്ചായത്തിലെ ഇരട്ടപ്പുഴ രണ്ടാം വാർഡിൽ പല ഭാഗത്തും കാട്ടുപന്നിയെ നാട്ടുകാർ കണ്ടിരുന്നു.എന്നാൽ ഈ അടുത്തിടെ ഇരട്ടപ്പുഴ ഭഗവതി ക്ഷേത്രത്തിന് തെക്കുവശമുള്ള സ്വകാര്യ വ്യക്തിയുടെ പൊന്തകാട്ടിലാണ് ഇവരുടെ സ്ഥിര സാന്നിധ്യം.ആദ്യം ഒരെണ്ണത്തെയാണ് നാട്ടുകാർ കണ്ടിരുന്നത്.പിന്നീട് രണ്ടും ഇപ്പോൾ മൂന്നുപേരടങ്ങുന്ന സംഘത്തെയാണ് കണ്ടതെന്ന് ഇതിന് തൊട്ടടുത്ത് മൈത്രി റോഡിൽ താമസിക്കുന്ന തോപ്പിൽ ജയരാജൻ ഭാര്യ രാഗി പറഞ്ഞു.ഇവരുടെ വീട്ടുപറമ്പിലെ മൂന്ന് മുരിങ്ങ,കൊള്ളി,ചേമ്പ് എന്നിവ കാട്ടുപന്നികൾ തിന്ന്‌ തീർത്തിട്ടുണ്ട്.കൂടാതെ ഈ പറമ്പിൽ തന്നെ വലിയൊരു കാട്ടുതേനീച്ച കൂടും ജനങ്ങൾക്ക് ശല്യമായി വളർന്നുവരുന്നുണ്ട്.കഴിഞ്ഞദിവസം ജോലി കഴിഞ്ഞുവന്നിരുന്ന ഒരു മരപ്പണിക്കാരനെ 200 മീറ്ററോളം അദ്ദേഹത്തെ പിന്തുടർന്ന് ഓടിച്ചു.സ്വസ്ഥമായി ജീവിക്കാനുള്ള ഒരു അന്തരീക്ഷം ഒരുക്കി തരണമെന്നാണ് നാട്ടുകാരുടെ അഭ്യർത്ഥന.

Tags:

enlightmedia,malayalamnews,kerala,latestnews