Palayoor organized a protest under the aegis of Palayur Forona against the police action that created obstacles to Christmas celebrations at Chavakkad Palayur St. Thomas Major Arki Episcopal Theetha Kendram

ചാവക്കാട്:പാലയൂർ സെന്റ് തോമസ് മേജർ ആർക്കി എപ്പിസ്കോപൽ തീർത്ഥകേന്ദ്രത്തിൽ ക്രിസ്തുമസ്സ്‌ ആഘോഷത്തിന് തടസ്സങ്ങൾ സൃഷ്‌ടിച്ച പോലീസ് നടപടിക്കെതിരെ പാലയൂർ ഫൊറോനയുടെ ആഭിമുഖ്യത്തിൽ പ്രതിഷേധം സംഘടിപ്പിച്ചു.പാലയൂർ സെന്റ് തോമസ് തീർത്ഥകേന്ദ്രത്തിൽ നിന്നും ആരംഭിച്ച പ്രതിഷേധ റാലി ചാവക്കാട് താലൂക്ക് കാര്യാലയത്തിന് സമീപം(വസന്തം കോർണർ) സമാപിച്ചു.തുടർന്ന് നടന്ന പൊതുയോഗം കത്തോലിക്ക കോൺഗ്രസ്‌ തൃശ്ശൂർ അതിരൂപത പ്രസിഡന്റ്‌ ജോബി കാക്കശ്ശേരി ഉദ്ഘാടനം ചെയ്ത്.പാലയൂർ സെന്റ് തോമസ് മേജർ ആർക്കി എപ്പിസ്കോപൽ തീർത്ഥ കേന്ദ്രം ആർച്ച് പ്രീസ്റ്റ് റവ ഡോ.ഡേവിസ് കണ്ണമ്പുഴ അധ്യക്ഷത വഹിച്ചു.സഭ താരം പി.ഐ.ലാസർ,ഫൊറോന പ്രസിഡന്റ്‌ ജോഷി കൊമ്പൻ,കത്തോലിക്ക കോൺഗ്രസ്സ് ട്രഷറർ റോണി അഗസ്റ്റിൻ,കുടുംബകൂട്ടായ്മ ഫൊറോന കൺവീനർ തോമസ് ചിറമ്മൽ എന്നിവർ പ്രസംഗിച്ചു.യോഗത്തിൽ കത്തോലിക്ക കോൺഗ്രസ്സ് തൃശ്ശൂർ അതിരൂപത ജോയിന്റ് സെക്രട്ടറി ക്രിസ്തുമസ്സ്‌ പരിപാടികൾ അലങ്കോലമാക്കുകയും,അവഹേളിക്കുകയും ചെയ്ത ഉദ്യോഗസ്ഥർക്കെതിരെ ശക്തമായ നടപടിയെടുക്കണമെന്ന പ്രമേയം അവതരിപ്പിച്ചു.ഇടവക ട്രസ്റ്റിമാരായ ഫ്രാൻസിസ് ചിരിയംകണ്ടത്ത്,സേവ്യർ വാകയിൽ,ചാക്കോ പുലിക്കോട്ടിൽ,പി.എ.ഹൈസൺ,പ്രതിനിധിയോഗം സെക്രട്ടറി ബിനു താണിക്കൽ,തീർത്ഥകേന്ദ്രം സെക്രട്ടറി ബിജു മുട്ടത്ത്,ജോയ്സി ആന്റണി,ബീന ജോഷി എന്നിവർ നേതൃത്വം നൽകി.