Palakkad MP VK Sreekandan received by Qatar OICC - Incas Thrissur District Committee

ദോഹ: ഖത്തറിലെത്തിയ പാലക്കാട് എം.പി. യും തൃശൂർ ജില്ലാ കോൺഗ്രസ്സ് കമ്മിറ്റിയുടെ ചുമതല വഹിക്കുന്ന വി. കെ ശ്രീകണ്ഠന് ഖത്തർ ഒഐസിസി - ഇൻകാസ് തൃശൂർ ജില്ലാ കമ്മിറ്റിയുടെ നേതൃത്വത്തിൽ സ്വീകരണം നൽകി.

ജില്ലാ പ്രസിഡന്റ് വി.എം ബാബുവിന്റെ അധ്യക്ഷതയിൽ ചേർന്ന സ്വീകരണ യോഗത്തിന് ജനറൽ സെക്രട്ടറി നവാസ് തെക്കുംപുറം സ്വാഗതം പറഞ്ഞു. സെൻട്രൽ കമ്മിറ്റി പ്രസിഡന്റ് സമീർ ഏറാൻമല യോഗം ഉദ്ഘാടനം ചെയ്തു. സംഘടനാ പ്രവർത്തനങ്ങളിൽ ഇപ്പോൾ നടക്കുന്ന വിഭാഗീയ പ്രവർത്തനങ്ങൾ അവസാനിപ്പിക്കാനും എല്ലാവരെയും ഒറ്റകെട്ടായി മുന്നോട്ട് കൊണ്ട് പോകുന്നതിനു വേണ്ട നടപടികൾ കെ.പി. സി.സി കൈകൊള്ളണമെന്നും അതിന് വേണ്ടി എന്ത് വിട്ടു വീഴ്ചക്കും തയ്യാറാണെന്നും എം.പി തന്നെ അതിന് മുൻകൈ എടുക്കണമെന്നും യോഗത്തിൽ സമീർ ഏറാൻമല ശ്രീ കണ്ഠൻ എം.പി യോട് ആവശ്യപെട്ടു.

പാർട്ടിയെ കൂടുതൽ ശക്തിപെടുത്താനും, ഐക്യത്തോടെ കൂടെ നിൽക്കേണ്ടതിന്റെ പ്രസ്കതിയെ കുറിച്ചും വരുന്ന നിയമസഭാ തിരഞ്ഞെടുപ്പിൽ കൂടുതൽ സീറ്റുകൾ നേടി വിജയിക്കേണ്ടതിന്റെ ആവശ്യകതയെ കുറിച്ചും ശ്രീകണ്ഠൻ എം.പി തന്റെ നന്ദി പ്രസംഗത്തിൽ ചൂണ്ടി കാട്ടി.പാർട്ടിയെ കൂടുതൽ ശക്തിപ്പെടുത്തുന്നതിനും, സംഘടനാ പ്രവർത്തനങ്ങൾ ഏകോപിക്കുന്നതിനും വേണ്ട നടപടികൾ തന്റെ ഭാഗത്തു നിന്ന് ഉണ്ടാകുമെന്നും ശ്രീകണ്ഠൻ എം.പി യോഗത്തിന് ഉറപ്പ് നൽകി.

ഒഐസിസി ഗ്ലോബൽ സെക്രട്ടറിമാരായ ജോൺ ഗിൽബർട്ട്, നാസർ വടക്കേക്കാട്, സെൻട്രൽ കമ്മിറ്റി നേതാക്കളായ അൻവർ സാദത്ത്, മനോജ്‌ കൂടൽ, ജോർജ് അഗസ്റ്റിൻ, ശംസുദ്ധീൻ മുബാറക്, ഫാസിൽ, മുജീബ്, സലീം ഇടശ്ശേരി, ജില്ലാ നേതാക്കളായ ഫസൽ മാബ്ര. ഷജിൽ മൂസ, മുസ്തഫ കേച്ചേരി, സാഹിർ പാടൂർ, അസീ സ് ചേലക്കര, ഷഹിം, അൻസാർ, മറ്റു ജില്ലാ കമ്മിറ്റി ഭാരവാഹികളായ ഷഹീൻ മജീദ്, നൗഫൽ കട്ടുപാറ, ജോയ്‌ പോൾ. എന്നിവർ ചടങ്ങിൽ പങ്കെടുത്തു.