Kerala Congress Aloor Constituency Session to be held on July 13

ആളൂര്‍ പഞ്ചായത്തുള്‍പ്പടെ ഇരിങ്ങാലക്കുട മണ്ഡലത്തിലെമ്പാടും വികസന മുരടിപ്പാണ് എല്‍ഡിഎഫ് ഭരണത്തില്‍ ഉണ്ടായിട്ടുള്ളതെന്ന് കേരള കോണ്‍ഗ്രസ് സംസ്ഥാന ജനറല്‍ സെക്രട്ടറി മിനിമോഹന്‍ദാസ് വാര്‍ത്താസമ്മേളനത്തില്‍ പറഞ്ഞു. ഈ മാസം 13ന് നടക്കുന്ന കേരള കോണ്‍ഗ്രസ് ആളൂര്‍ മണ്ഡലം സമ്മേളന പരിപാടികള്‍ വിശദീകരിക്കാനായി കൊടകര പ്രസ് ക്ലബില്‍ വിളിച്ചുചേര്‍ത്ത വാര്‍ത്തസമ്മേളനത്തില്‍ സംസാരിക്കുകയായിരുന്നു മിനിമോഹന്‍ദാസ്. ഞായറാഴ്ച പഞ്ചായത്ത് കമ്യൂണിറ്റി ഹാളില്‍ ഉച്ചകഴിഞ്ഞ് 3.30ന് നടക്കുന്ന സമ്മേളനം കേരള കോണ്‍ഗ്രസ് ഡെപ്യൂട്ടി ചെയര്‍മാന്‍ തോമസ് ഉണ്ണിയാടന്‍ ഉദ്ഘാടനം ചെയ്യും.സംസ്ഥാന ജില്ലാ നിയോജക മണ്ഡലം നേതാക്കള്‍ പങ്കെടുക്കും. ആനുകാലിക രാഷ്ട്രീയവിഷയങ്ങള്‍, ത്രിതലപഞ്ചായത്ത് തിരഞ്ഞെടുപ്പ് തുടങ്ങിയ വിഷയങ്ങള്‍ ചര്‍ച്ച ചെയ്യപ്പെടുന്ന സമ്മേളനത്തില്‍ മണ്‍മറഞ്ഞുപോയ കേരളകോണ്‍ഗ്രസ് നേതാക്കളായ മുന്‍ എം. പി കെ.മോഹന്‍ദാസ്, വര്‍ഗീസ് മാവേലി, ഡേവിസ് ആളൂക്കാരന്‍ എന്നിവരെ അനുസ്മരിക്കുകയും മണ്ഡലത്തിലെ തല മുതിര്‍ന്ന കേരള കോണ്‍ഗ്രസ് നേതാക്കളെയും വ്യത്യസ്ത തലങ്ങളില്‍ പ്രാവീണ്യം തെളിയിച്ചപാര്‍ട്ടി അംഗങ്ങളെയും ആദരിക്കും.

മണ്ഡലം പ്രസിഡന്റ് നൈജുജോസഫ് ഊക്കന്‍, മണ്ഡലം ഓഫിസ് സെക്രട്ടറി ജോബി മംഗലന്‍, മണ്ഡലം ജനറല്‍ സെക്രട്ടറി ജോജോ മാടവന, മേഖല കോ ഓഡിനേറ്റര്‍ ജോര്‍ജ് കുറ്റിക്കാടന്‍ എന്നിവരും വാര്‍ത്തസമ്മേളനത്തില്‍ പങ്കെടുത്തു.