Indigenization; Violators will be jailed for three years and fined up to 10 lakh Riyals.

ദോഹ: ഖത്തറിലെ സ്വകാര്യ കമ്പനികളിലെ സ്വദേശിവത്കരണത്തിൽ തെറ്റായ വിവരങ്ങൾ നൽകിയാൽ 10 ലക്ഷം റിയാൽ വരെ ഭീമമായ പിഴയാണ് കാത്തിരിക്കുന്നത്. സ്വകാര്യ കമ്പനികളിലെ സ്വദേശിവത്കരണവുമായി ബന്ധപ്പെട്ട ഗസറ്റ് വിജ്ഞാപനത്തിലാണ് ഇതുസംബന്ധിച്ച കൂടുതൽ വിവരങ്ങൾ പങ്കുവെച്ചത്. സ്വകാര്യ മേഖലയിൽ സ്വദേശിവത്കരിക്കപ്പെട്ട തസ്തികകളിലേക്ക് സ്വദേശി ഉദ്യോഗാർഥികളില്ലെങ്കിൽ ഖത്തരി വനിതകളുടെ കുട്ടികൾക്ക് മുൻഗണന നൽകണം. സ്വദേശി വത്കരണം നടപ്പാക്കാതെ തെറ്റായ വിവരങ്ങൾ നൽകുന്ന കമ്പനികൾക്കെതിരെ കർശന നടപടികളുണ്ടാകും. മൂന്ന് വർഷം തടവും പത്ത് ലക്ഷം റിയാൽ വരെ പിഴയുമാണ് ശിക്ഷ.

ഖത്തർ അമീറിൻ്റെ അനുമതിക്ക് ശേഷം ഒക്ടോബർ 17 ന് ഔദ്യോഗിക ഗസറ്റിൽ നിയമം പ്രസിദ്ധീകരിച്ചു. ഗസറ്റിൽ പ്രസിദ്ധീകരിച്ച തീയതി മുതൽ ആറ് മാസത്തിന് ശേഷം നിയമം പ്രാബല്യത്തിൽ വരും. നിയമത്തിലെ ആർട്ടിക്കിൾ 11 പ്രകാരം ലംഘനമുണ്ടായാൽ, സ്ഥാപനത്തിന്റെ തൊഴിൽ മന്ത്രാലയവുമായുള്ള ഇടപാടുകൾ 3 മാസം വരെ താൽക്കാലികമായി നിർത്തിവയ്ക്കാം, പിഴയും ചുമത്താം.

വഞ്ചനാപരമായ രീതികൾ ഉപയോഗിച്ചോ തെറ്റായ ഡാറ്റയോ വിവരങ്ങൾ നൽകിയോ നിയമത്തിലെ വ്യവസ്ഥകൾ ലംഘിക്കാൻ ശ്രമിച്ചാൽ 3 വർഷത്തിൽ കൂടാത്ത തടവും 1,000,000 റിയാലിൽ കൂടാത്ത പിഴയും അല്ലെങ്കിൽ ഇവ രണ്ടിൽ ഒരു ശിക്ഷയും ലഭിക്കും. ദേശസാൽക്കരണ വിഭാഗത്തിലെ ജോലികളിൽ നിന്ന് മറ്റു വിഭാഗങ്ങൾക്ക് ജോലി അനുവദിക്കുക. ലഭ്യമായ ജോലികൾ അഡ്മിനിസ്ട്രേഷനെ അറിയിക്കാതിരിക്കുക.

നിയമനം ലഭിച്ചവരുടെ ഡാറ്റ അഡ്മിനിസ്ട്രേഷന് നൽകാതിരിക്കുക. ഓരോ 6 മാസം കൂടുമ്പോഴും വിവരങ്ങൾ നൽകാതിരിക്കുക തുടങ്ങിയ ലംഘനങ്ങൾ ആദ്യമായി സംഭവിക്കുമ്പോൾ 10,000, രണ്ടാം തവണ സംഭവിക്കുമ്പോൾ QR 20,000, രണ്ടിൽ കൂടുതൽ സമയം സംഭവിച്ചാൽ 30,000 എന്നിങ്ങനെ പിഴ ചുമത്തും. സ്വകാര്യമേഖലയിൽ ഖത്തറികളുടെ പങ്കാളിത്തം വർധിപ്പിക്കുകയാണ് നിയമത്തിൻ്റെ ലക്ഷ്യം.