In a press conference, the office-bearers informed that Omanayoor UDF Committee will hold an evening dharna on Friday against the deplorable condition of the roads.

ചാവക്കാട്:ഒരുമനയൂര്‍ പഞ്ചായത്തിലെ റോഡുകളുടെ ശോചനീയാവസ്ഥക്കെതിരെ വെള്ളിയാഴ്ച്ച ഒരുമനയൂര്‍ യുഡിഎഫ് കമ്മിറ്റി സായാഹ്ന ധര്‍ണ്ണ നടത്തുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.വില്യംസ് മുതല്‍ ചാവക്കാട് വരെയുള്ള 2 കിലോമീറ്റര്‍ ദൂരം പുതിയ എന്‍എച്ച് 66 ന്റെ കോണ്‍ട്രാക്ട് എടുത്ത കമ്പനിയായ ശിവാലയ ഗ്രൂപ്പ് ഇതുവരെ ഫുള്‍ ടാറിങ് നടത്തിയിട്ടില്ല.അശാസ്ത്രീയമായി കട്ട വിരിച്ചത് മൂലം അപകടങ്ങള്‍ നിത്യസംഭവമാവുകയാണ്.2022 മുതല്‍ 2025 വരെയുള്ള 3 സാമ്പത്തിക വര്‍ഷങ്ങളായി ഫണ്ട് ലാപ്‌സാക്കി പഞ്ചായത്ത് അധികൃതര്‍ ജനങ്ങളെ വെല്ലുവിളിക്കുകയാണെന്ന് ഭാരവാഹികള്‍ ആരോപിച്ചു.ജില്ലാ പഞ്ചായത്തില്‍ നിന്നും അനുവദിച്ചുകിട്ടിയ വനിതാ ജിം പണിപൂര്‍ത്തീകരിച്ച് തുറന്നുകൊടുക്കാന്‍ സാധിച്ചിട്ടില്ലെന്നും പഞ്ചായത്തിലെ ക്ലബ്ബുകള്‍ക്ക് അനുവദിക്കേണ്ട സ്‌പോര്‍ട്‌സ് കിറ്റ് വിതരണം നടത്താതെ യുവജനങ്ങളെ പറ്റിക്കുകയാണെന്നും ഭാരവാഹികള്‍ പറഞ്ഞു.ഈ സാഹചര്യത്തിലാണ് പഞ്ചായത്തിന്റെ അനാസ്ഥ ജനങ്ങള്‍ തിരിച്ചറിയുക എന്ന ലക്ഷ്യത്തോടെ വെള്ളിയാഴ്ച്ച മൂന്നാംകല്ല് സെന്ററില്‍ യുഡിഎഫ് കമ്മിറ്റി സായാഹ്ന ധർണ്ണ നടത്താൻ തീരുമാനിച്ചതെന്ന് ഭാരവാഹികളായ കെ.ജെ.ചാക്കോ,കെ.വി.അബ്ദുല്‍ ഖാദര്‍,അന്‍വര്‍ അറക്കല്‍,ആര്‍.എസ്.ഷക്കീര്‍ എന്നിവര്‍ വാര്‍ത്തസമ്മേളനത്തില്‍ അറിയിച്ചു.

Tags:

enlightmedia,malayalamnews,kerala,latestnews