Former DCC general secretary andsenior Congress leader P. Yatheendra Das has decided to join the CPM.

ചാവക്കാട്:ഡിസിസി മുന്‍ ജനറല്‍ സെക്രട്ടറിയും,സീനിയര്‍ കോണ്‍ഗ്രസ് നേതാവുമായ പി.യതീന്ദ്രദാസ് സിപിഎമ്മില്‍ ചേര്‍ന്ന് പ്രവര്‍ത്തിക്കാന്‍ തീരുമാനിച്ചു.കോണ്‍ഗ്രസ് പാര്‍ട്ടിയുടെ വഞ്ചനാപരമായ നിലപാടില്‍ പ്രതിഷേധിച്ചാണ് പാര്‍ട്ടി വിടുന്നതെന്ന് ചാവക്കാട് നടത്തിയ വാർത്താസമ്മേളനത്തില്‍ യതീന്ദ്രദാസ് അറിയിച്ചു.കോണ്‍ഗ്രസ് ജില്ലാ നേതൃത്വത്തെ രൂക്ഷമായി വിമര്‍ശിച്ച തന്നെയും കുടുംബത്തെയും ദ്രോഹിക്കുന്ന നിലപാടാണ് കോണ്‍ഗ്രസ് സ്വീകരിച്ചതെന്ന് യതീന്ദ്രദാസ് പറഞ്ഞു.ലോകസഭ തിരഞ്ഞെടുപ്പില്‍ കെ.മുരളീധരന്റെ തോല്‍വിക്ക് കാരണം ജില്ലയിലെ കോണ്‍ഗ്രസ് നേതാക്കളുടെ സംഘപരിവാര്‍ ബന്ധമാണെന്ന് ആരോപിച്ചതിനെ തുടര്‍ന്ന് കഴിഞ്ഞ ജൂലൈയില്‍ ഡിസിസി നേതൃത്വം യതീന്ദ്രദാസിനെ പാര്‍ട്ടിയില്‍നിന്ന് പുറത്താക്കിയിരുന്നു.യതീന്ദ്രദാസിനെ പോലുള്ളവരെ ചേര്‍ത്ത് പിടിച്ച് വര്‍ഗീയതക്കെതിരെയുള്ള പോരാട്ടം ശക്തിപ്പെടുത്തുമെന്ന് വാർത്താസമ്മേളനത്തില്‍ പങ്കെടുത്ത സിപിഎം ചാവക്കാട് ഏരിയ സെക്രട്ടറി ടി.ടി.ശിവദാസന്‍ പറഞ്ഞു.സിപിഎമ്മിലേക്ക് വരുന്ന യതീന്ദ്രദാസിന് ഈ മാസം 30-ന് ചാവക്കാട് സ്വീകരണം നല്‍കുമെന്നും ഏരിയ സെക്രട്ടറി അറിയിച്ചു.ഗുരുവായൂര്‍ നഗരസഭ ചെയര്‍മാന്‍ എം.കൃഷ്ണദാസ്,സിപിഎം നേതാക്കളായ എം.ആര്‍.രാധാകൃഷ്ണന്‍,മാലിക്കുളം അബ്ബാസ്,എ.എച്ച്.അക്ബര്‍,പി.എസ്.അശോകന്‍ എന്നിവരും വാർത്താസമ്മേളനത്തില്‍ പങ്കെടുത്തു.