Tue Dec 12, 2023 10:56 PM 1ST
Location
Sign In
18 Jun 2024 00:05 IST
Share News :
ദോഹ: ബലിപെരുന്നാളിനോടനുബന്ധിച്ച് ഖത്തറിലെ ഔഖാഫ് മന്ത്രാലയം 4500 കുട്ടികൾക്ക് സമ്മാനങ്ങൾ വിതരണം ചെയ്തു. ഔഖാഫ് ജനറൽ അഡ്മിനിസ്‌ട്രേഷന്റെ ‘ഫർഹത് ഈദ്’ പ്രോഗ്രാമിന് കീഴിലാണ് ‘വഖ്ഫ് ഒരു സാമൂഹിക പങ്കാളിത്തമാണ്’ പ്രമേയത്തിൽ സമ്മാനങ്ങൾ വിതരണം ചെയ്തതെന്ന് ഡയറക്ടർ ജനറൽ ഡോ. ശൈഖ് ഖാലിദ് ബിൻ മുഹമ്മദ് ഗാനിം ആൽഥാനി പറഞ്ഞു.
മന്ത്രാലയത്തിന് കീഴിലെ ഔഖാഫ് ജനറൽ അഡ്മിനിസ്‌ട്രേഷന് കീഴിൽ കുടുംബത്തിനും കുട്ടികൾക്കുമായുള്ള എൻഡോവ്‌മെന്റ് ബാങ്കിന്റെ സഹകരണത്തോടെ രാജ്യത്തെ വിവിധ മേഖലകളിലായി 30 ഈദ് ഗാഹുകളിലാണ് സമ്മാനങ്ങൾ വിതരണം ചെയ്തത്. കുട്ടികൾക്ക് സന്തോഷം ഉണ്ടാകുമ്പോൾ ആണ് പെരുന്നാളിന്റെ പൊലിമ വർധിക്കുന്നതെന്നും സമ്മാനങ്ങൾ അതിന് ഏറെ ഉപകാരപ്പെടുമെന്നും അദ്ദേഹം കൂട്ടിച്ചേർത്തു. ദോഹയിലും പരിസര പ്രദേശങ്ങളിലും വടക്ക് ഭാഗത്ത് അൽ ഷമാൽ, തെക്ക് അൽ വക്‌റ തുടങ്ങിയ ഭാഗങ്ങളിലും സമ്മാന വിതരണമുണ്ടായി.
Follow us on :
Tags:
More in Related News
Please select your location.
