Attempt to murder with stick: Accused arrested

ആളൂർ : ഇന്നലെ രാത്രി ആളൂ‍‍‍‍ർ സ്വദേശിയായ വട്ടപറമ്പിൽ അമീഷിന്റെ വീട്ടിലേക്ക് 4 പേ‍ർ കൊടുവാളും ഇരുമ്പു പൈപ്പും കൈവശം വെച്ച് അതിക്രമിച്ച് കയറി അമീഷിനെ കൊലപ്പെടുത്തുന്നതിനായി കഴുത്തിനു നേരെ വെട്ടിയത് അമീഷിന്റെ ചേട്ടൻ തടഞ്ഞപ്പോൾ ഇടതു കൈയ്യിലെ വിരലുകൾ അറ്റുപോയി ഗുരുതര പരിക്കേൽക്കുകയും അമീഷിനെ ഇരുമ്പു കൈകൊണ്ട് അടിച്ചും പരിക്കേൽപിക്കുകയും ചെയ്ത സംഭവത്തിലെ പ്രതിയായ ആളൂ‍ർ കച്ചേരിപ്പടി സ്വദേശിയായ ഇല്ലത്തു പറമ്പിൽ വീട്ടിൽ മുഹമ്മദ് ജാസിക് (25) നെ ആളൂ‍ർ പോലീസ് പിടികൂടി.

അമീഷിനോട് മുമ്പ് മുഖ്യ പ്രതിയായ കുഞ്ഞി മല്ലു എന്ന് വിളിക്കുന്ന അരുൺ പണം കടം ചോദിച്ചത് കൊടുക്കാത്തതിലുള്ള വൈരാഗ്യത്താലാണ് ഇവർ അമീഷിനെയും സഹോദരനെയും ആക്രമിച്ചത്…

മുഹമ്മദ് ജാസികിന് ആളൂ‌ർ പോലീസ് സ്റ്റേഷനിൽ 2019 അടിപിടിക്കേസും, 2021 ൽ കൊലപാതകക്കേസും, ഭീഷണിപ്പെടുത്തിയതിനുള്ള കേസുമുണ്ട്

ആളൂർ പോലീസ് സ്റ്റേഷൻ ഇൻസ്പെക്ടർ ബിനീഷ്.കെ.എം, ഡാൻസാഫ് സംഘാഗങ്ങളായ സബ് ഇൻസ്പെക്ടർ ജയകൃഷ്ണൻ, സിവിൽ പോലീസ് ഓഫീസർമാരായ ഉമേഷ്, ജീവൻ, സൂരജ്, ഷിന്റോ, ആളൂർ പോലീസ് സ്റ്റേഷൻ സബ് ഇൻസ്പെക്ടർ സുരേന്ദ്രൻ, സിവിൽ പോലീസ് ഓഫീസർമാരായ ആഷിഖ്, സവീഷ്. ഹരികൃഷ്ണൻ എന്നിവർ ചേർന്നാണ് ജാസികിനെ അറസ്റ്റ് ചെയ്തത്

Tags: