A one-day awareness class was organised under the chairmanship of a vigilance committee in Vellore panchayat.

വൈക്കം: സ്ത്രീകളുടേയും കുട്ടികളുടേയും ഉന്നമനത്തിനും സംരക്ഷണത്തിനുമായി വെച്ചൂർ പഞ്ചായത്തിൻ്റെ ആഭിമുഖ്യത്തിൽ

പഞ്ചായത്ത് തല ജാഗ്രതാ സമിതിയുടെ നേതൃത്വത്തിൽ ഏകദിന ബോധവത്ക്കരണ ക്ലാസ് സംഘടിപ്പിച്ചു. ശാസ്തക്കുളം എസ്എൻഡിപി ഹാളിൽ നടന്ന പരിപാടി തിരക്കഥാകൃത്ത് എം. സിന്ധുരാജ് ഉദ്ഘാടനം ചെയ്തു. പഞ്ചായത്ത് പ്രസിഡൻ്റ് കെ.ആർ.ഷൈലകുമാർ അധ്യക്ഷത വഹിച്ചു. വീടുകളിൽ പോലും സ്ത്രീകളും കുട്ടികളും സുരക്ഷിതരല്ലെന്നും തൻ്റെ സിനിമയിലെ സ്ത്രീകഥാപാത്രങ്ങൾ ജീവിതപ്രതിസന്ധികളെ ആർജവത്തോടെയും ധീരതയോടെയും നേരിട്ട് വിജയംവരിച്ചവരാണെന്നും എം.സിന്ധുരാജ് ഉദ്ഘാടന പ്രസംഗത്തിൽ അഭിപ്രായപ്പെട്ടു. അഡ്വ.ശ്രീദേവി ബോധവത്ക്കരണ ക്ലാസ് നയിച്ചു. പഞ്ചായത്ത് വൈസ് പ്രസിഡൻ്റ്

ബിൻസി ജോസഫ്, സ്ഥിരം സമിതി ചെയർമാന്മാരായ സോജിജോർജ്,പി.കെ. മണിലാൽ, ബ്ലോക്ക്, ഗ്രാമ പഞ്ചായത്ത് അംഗങ്ങൾ വൈക്കം ശിശു വികസന പദ്ധതി ഓഫീസർ പി.രജനി, പഞ്ചായത്ത് സെക്രട്ടറി പി.അജയകുമാർ, ഐസിഡി എസ് സൂപ്പർവൈസർ സി.കെ. സുചിത്ര തുടങ്ങിയവർ പ്രസംഗിച്ചു.അങ്കണവാടി ജീവനക്കാർ, എഡിഎസ്, ഹരിതകർമസേന, ആശാപ്രവർത്തകർ തുടങ്ങിയവർ പരിപാടിക്ക് നേതൃത്വം നൽകി.