Youth stand for green election campaign concludes

kozhikode-ജില്ലാ ശുചിത്വ മിഷനും കാലിക്കറ്റ് യൂനിവേഴ്‌സിറ്റി ജില്ലാ നാഷണല്‍ സര്‍വീസ് സ്‌കീവും ചേര്‍ന്ന് സംഘടിപ്പിച്ച യൂത്ത് സ്റ്റാന്‍ഡ് ഫോര്‍ ഗ്രീന്‍ ഇലക്ഷന്‍ ക്യാമ്പയിന് കൊട്ടിക്കലാശത്തോടെ സമാപനം. പ്രകൃതിസൗഹൃദ തിരഞ്ഞെടുപ്പിന് പൊതുജനങ്ങളില്‍ അവബോധം സൃഷ്ടിക്കുന്നതിന്റെ ഭാഗമായാണ് ക്യാമ്പയിന്‍ സംഘടിപ്പിച്ചത്. ഗ്രീന്‍ കോര്‍ണര്‍ ചര്‍ച്ചകള്‍, സ്ഥാനാര്‍ഥികളുമായുള്ള സംവാദം, സിഗ്‌നേച്ചര്‍ ക്യാമ്പയിന്‍ തുടങ്ങി വിവിധ പ്രവര്‍ത്തനങ്ങള്‍ ഇതിന്റെ ഭാഗമായി സംഘടിപ്പിച്ചു.

കോഴിക്കോട് കെ.എസ്.ആര്‍.ടി.സിയില്‍ നടന്ന സമാപന പരിപാടി ശുചിത്വ മിഷന്‍ ജില്ലാ കോഓഡിനേറ്റര്‍ ഇ ടി രാകേഷ് ഉദ്ഘാടനം ചെയ്തു. എന്‍.എസ്.എസ് ജില്ലാ കോഓഡിനേറ്റര്‍ ഫസീല്‍ അഹമ്മദ് അധ്യക്ഷനായി. സി കെ സരിത്ത്, ഒ ജ്യോതിഷ്, ഡോ. പി സുരേഷ്, ലിജോ ജോസഫ്, കെ പി രാധാകൃഷ്ണന്‍, ഡോ. ജിബിന്‍ ബേബി, ഡോ. സംഗീത ജി. കൈമള്‍ തുടങ്ങിയവര്‍ സംസാരിച്ചു.

സാമൂതിരി ഗുരുവായൂരപ്പന്‍ കോളേജ്, മലബാര്‍ ക്രിസ്ത്യന്‍ കോളേജ്, പ്രൊവിഡന്‍സ് വിമന്‍സ് കോളേജ്, ഹോളി ക്രോസ് കോളേജ്, മുസ്‌ലിം ഓര്‍ഫനേജ് കോളേജ്, സെന്റ് ജോസഫ്‌സ് ദേവഗിരി, കൊയിലാണ്ടി ഗവ. കോളേജ് എന്നിവയിലെ വിദ്യാര്‍ഥികള്‍ കലാപരിപാടികള്‍ അവതരിപ്പിച്ചു.