ഇന്നലെ കൂടി ഇന്ന് കുറഞ്ഞു; സ്വർണവിലയിൽ വീണ്ടും ആശ്വാസം

18 Dec 2024 13:07 IST

Share News :

Yesterday it was down again gold prices rebound

സംസ്ഥാനത്തെ സ്വര്‍ണവിലയില്‍ ഇന്ന് ആശ്വാസം. ഇന്നലെ 80 രൂപയുടെ നേരിയ വര്‍ദ്ധനവ് രേഖപ്പെടുത്തിയ വിപണിയില്‍ ഇന്ന് 120 രൂപയുടെ കുറവാണ് ഉണ്ടായത് .മൂന്ന് ദിവസം ഒരേ നിരക്കില്‍ തുടര്‍ന്ന ശേഷമാണ് ഇന്നലെ വില കൂടിയിരുന്നത്. ഇന്ന് 57,080 രൂപയാണ് പവന് നല്‍കേണ്ടത്. ഒരു ഗ്രാം സ്വര്‍ണത്തിന് ഇന്ന് 7135 രൂപയാണ് നല്‍കേണ്ടത്. സംസ്ഥാനത്തെ വെള്ളി വിലയില്‍ ഇന്ന് നേരിയ വര്‍ദ്ധനവുണ്ടായി. ഗ്രാമിന് 100 രൂപയും കിലോഗ്രാമിന് 1,00, 000 രൂപയുമാണ് ഇന്നത്തെ വില.

അന്താരാഷ്ട്ര വിപണിയില്‍ വെള്ളി വില എങ്ങനെ കുറഞ്ഞു എന്നതിന് അനുസൃതമായാണ് കേരളത്തിലെ വെള്ളി വിലയും നീങ്ങുന്നത്. അടുത്ത ഏതാനും വര്‍ഷങ്ങളില്‍ വെള്ളി വിലയില്‍ വലിയ ചലനം ഉണ്ടാകാന്‍ സാധ്യതയില്ല. സംസ്ഥാനത്തെ ഗ്രാമങ്ങളിലും നഗരങ്ങളിലും ലോഹത്തിന് വെള്ളിയ്ക്ക് നല്ല ഡിമാന്‍ഡാണ്.

നവംബര്‍ മാസത്തില്‍ 14,16,17 തീയതികളില്‍ ഈ മാസത്തെ ഏറ്റവും കുറഞ്ഞ നിരക്കിലായിരുന്നു സ്വര്‍ണം. ഒരു ഗ്രാം സ്വര്‍ണാഭരണം ലഭിക്കാന്‍ 6935 രൂപ നല്‍കിയാല്‍ മതിയായിരുന്നു. നവംബര്‍ 1ന് പവന് വില 59,080 രൂപയിലെത്തിയതാണ് സമീപ കാലത്തെ ഏറ്റവും ഉയര്‍ന്ന നിരക്ക്.

ഒക്ടോബറില്‍ ആഭരണം വാങ്ങാന്‍ കാത്തിരിക്കുന്നവരെ മുള്‍മുനയില്‍ നിര്‍ത്തിയിരുന്നു സ്വര്‍ണ വിപണി. 58,000 വും 59000 വും കടന്ന് 60000ത്തിന് തൊട്ടരികിലെത്തിയിരുന്നു.