സ്ത്രീ ശാക്തീകരണ പരിപാടി; തലയോലപ്പറമ്പിൽ എഡിഎസ്, ആശ വർക്കർമാർക്ക് മെൻസ്ട്രൽ കപ്പ് വിതരണം ചെയ്തു.

06 Nov 2025 19:31 IST

Share News :

Women Empowerment Programme; Menstrual Cup distributed to ADS and Asha workers at Thalaparambu.

തലയോലപ്പറമ്പ്: തലയോലപ്പറമ്പ് റോട്ടറി ക്ലബ്ബിന്റെ ആഭിമുഖ്യത്തിൽ റോട്ടറി ഇൻ്റർനാഷണലിൻ്റെ ഡിസ്ട്രിക് പ്രോജക്റ്റായ “ഓപ്പോൾ” സ്ത്രീ ശാക്തീകരണ പരിപാടിയുടെ ഭാഗമായി തലയോലപ്പറമ്പ് പഞ്ചായത്തിലെ 15,16,17 വാർഡുകളിലെ എഡിഎസ് ,ആശ വർക്കർമാർക്ക് മെൻസ്ട്രൽ കപ്പ് വിതരണവും ബോധവൽക്കരണ ക്ലാസ്സും നടത്തി. ആർത്തവ ശുചിത്വവുമായി ബന്ധപ്പെട്ട അവബോധം സ്ത്രീകളിൽ സൃഷ്ടിക്കുന്നതിനായി മെൻസ്ട്രൽ കപ്പ് ഉപയോഗത്തെക്കുറിച്ച് ഡോക്ടർ അനുപമ ശ്രീധർ ക്ലാസ്നയിച്ചു. മാറുന്നകാലത്ത് സുരക്ഷിതവും പരിസ്ഥിതി സൗഹൃദവുമായ നൂതനമാർഗങ്ങൾ ശുചിത്വത്തിനും ആരോഗ്യത്തിനുമായി ആർത്തവ കാലത്ത് സ്ത്രീകൾ സ്വീകരിക്കണമെന്ന് ഡോക്ടർ അഭിപ്രായപ്പെട്ടു. വടയാർ ഇളങ്കാവിൽ നടന്ന വിതരണോദ്ഘാടനം റോട്ടറി അസിസ്റ്റൻ്റ് ഗവർണർ ഡോ: ബിനു സി നായർ നിർവഹിച്ചു. തലയോലപ്പറമ്പ് റോട്ടറി ക്ലബ്ബ് പ്രസിഡൻ്റ് റെജി ആറാക്കൽ അധ്യക്ഷത വഹിച്ചു. ഗ്രാമ പഞ്ചായത്തംഗം സേതുലക്ഷ്മി അനിൽകുമാർ, ക്ലബ് സെക്രട്ടറി ശ്രീകാന്ത് സോമൻ, പ്രകാശൻ ചക്കാല, സീതു ശശിധരൻ , പി.പ്രസാദ് ,പി.എസ് ഷിജോ ,വിഷ്ണു സോമൻ, ദീപ്തി, നിധി തുടങ്ങിയവർ പങ്കെടുത്തു.

Tags:

സ്ത്രീ ശാക്തീകരണ പരിപാടി; തലയോലപ്പറമ്പിൽ എഡിഎസ് ആശ വർക്കർമാർക്ക് മെൻസ്ട്രൽ കപ്പ് വിതരണം ചെയ്തു.

More in Related News