The Vigilance should investigate the financial irregularity in Cheruvannur Panchayat.

ചെറുവണ്ണൂർ :ചെറുവണ്ണൂർ പഞ്ചായത്തിലെ സാമ്പത്തിക ക്രമക്കേടിൽ അന്വേഷണം നടത്തി കുറ്റക്കാർക്കെതിരെ കർശന നടപടി കൈക്കൊള്ളണമെന്ന് മുസ്ലിം ലീഗ് പഞ്ചായത്ത് കമ്മിറ്റി ആവശ്യപ്പെട്ടു.

പഞ്ചായത്ത് ഭരണസമിതിയെ താറടിച്ചു കാണിക്കാൻ ചെറുവണ്ണൂർ പഞ്ചായത്തിലെ ഇടത് അനുകൂലിയായ സെക്രട്ടറിയും അസിസ്റ്റൻറ് സെക്രട്ടറിയും തൊഴിലുറപ്പിലെ ഇടത് അനുകൂല താൽക്കാലിക ജീവനക്കാരും

നടത്തിയ തട്ടിപ്പാണിതെന്നാണ് ലീഗ് ആരോപിക്കുന്നത്.

ഫണ്ട് വെട്ടിപ്പ് നടത്താൻ വേണ്ടി ബോധപൂർവ്വം നടത്തിയ സാമ്പത്തിക ക്രമക്കേടിനെതിരെ വിജിലൻസ് അന്വേഷണം നടത്തണമെന്ന് പഞ്ചായത്ത് മുസ്ലിം ലീഗ് കമ്മിറ്റി ആവശ്യപ്പെട്ടു. കുറ്റക്കാർക്കെതിരെ കർശന നടപടി സ്വീകരിക്കാത്ത പക്ഷം അതിശക്തമായ സമരപരിപാടികളുമായി മുന്നോട്ടുപോകുമെന്ന് പഞ്ചായത്ത് കമ്മിറ്റി മുന്നറിയിപ്പ് നൽകി.

യോഗത്തിൽ മുസ്ലിം ലീഗ് പഞ്ചായത്ത് പ്രസിഡണ്ട് അബ്ദുൽ കരീം കോച്ചേരി അധ്യക്ഷത വഹിച്ചു.

ഒ മമ്മു,പി കെ മൊയ്തീൻ മാസ്റ്റർ, സിപി കുഞ്ഞമ്മദ്, എൻ.എം കുഞ്ഞബ്ദുള്ള, കുഞ്ഞമ്മദ് കെ ടി കെ, മൊയ്തു കുനീമ്മൽ, പാച്ചിലെടുത്ത് കുഞ്ഞമ്മദ് ഹാജി, മുഹമ്മദ് കെ എൻ എന്നിവർ സംസാരിച്ചു.എം.വി.മുനീർ സ്വാഗതവും കെ.കെ.നാഫൽ നന്ദിയും പറഞ്ഞു.

Tags:

General