Tue Dec 12, 2023 10:56 PM 1ST
Location
Sign In
Tue Dec 12, 2023 10:56 PM 1ST
Location
Sign In
13 Mar 2025 07:17 IST
Share News :
വാഷിങ്ടൻ: ബഹിരാകാശ നിലയത്തില്‍ കുടുങ്ങിക്കിടക്കുന്ന നാസയുടെ ബഹിരാകാശസഞ്ചാരികളായ ബുച്ച് വില്‍മറിന്റേയും സുനിത വില്യംസിന്റേയും തിരിച്ചുവരവ് വൈകും.
അവസാനനിമിഷത്തെ സാങ്കേതിക പ്രശ്നങ്ങളാൽ നാസയും സ്‌പേസ്എക്‌സും ക്രൂ10 ദൗത്യം നീട്ടിവെച്ചു.
റോക്കറ്റിന്റെ ലോഞ്ച് പാഡിലെ സാങ്കേതിക തകരാറിനെത്തുടര്‍ന്നാണ് ദൗത്യം മാറ്റിവെച്ചത്. കഴിഞ്ഞ ഒമ്പതുമാസമായി ഇരുവരും അന്താരാഷ്ട്ര ബഹിരാകാശ നിലയത്തില്‍ കഴിയുകയാണ്‌.
പുതിയ വിക്ഷേപണത്തീയതി പ്രഖ്യാപിച്ചിട്ടില്ല. ബഹിരാകാശ സഞ്ചാരികളായ സുനിതയും വില്‍മോറും 16 ന് മടങ്ങിയെത്താനുള്ള സാധ്യത ഇതോടെ മങ്ങി.
കഴിഞ്ഞ ഒൻപതു മാസത്തോളമായി ബഹിരാകാശനിലയത്തില്‍ തുടരുന്ന ഇരുവരെയും തിരികെയെത്തിക്കാന്‍ നാസയും ഇലോൺ മസ്കിന്റെ സ്പേസ് എക്സും ചേര്‍ന്നുള്ള ദൗത്യമാണു ക്രൂ10. പകരക്കാരായ സംഘം ക്രൂ 10ൽ ബഹിരാകാശ നിലയത്തിൽ എത്തിയാലാണ് ഇരുവർക്കും മടങ്ങാനാവുക. നാസയുടെ കെന്നഡി സ്പേസ് സെന്ററിൽനിന്നാണു ഫാൽക്കൺ റോക്കറ്റ് വിക്ഷേപിക്കാൻ തയാറെടുത്തിരുന്നത്. ഇതിന്റെ തത്സമയ വിഡിയോ സംപ്രേഷണവും ഒരുക്കിയിരുന്നു. വിക്ഷേപണത്തിന് 4 മണിക്കൂർ മുൻപാണു ഹൈഡ്രോളിക് സിസ്റ്റത്തിൽ പ്രശ്‌നങ്ങളുണ്ടെന്ന് എൻജിനീയർമാർ കണ്ടെത്തിയത്. വ്യാഴാഴ്ച രാത്രിയോടെ അടുത്ത ശ്രമം നടക്കുമെന്നു റിപ്പോർട്ട്.
Follow us on :
Tags:
More in Related News
Please select your location.
