Ruwi Cup Football: Dynamos FC Winners

മസ്ക്കറ്റ്: ഫ്രണ്ട്സ് ഓഫ് റുവി സംഘടിപ്പിച്ച ഹ്യൂണ്ടായ് റുവി കപ്പ്‌ സീസൺ 3 സെവെൻസ് ഫുട്ബോൾ ടൂർണമെന്റിൽ ഡൈനാമോസ് എഫ്‌ സി ജേതാക്കളായി. നവംബർ 28 വെള്ളിയാഴ്ച ദാർസൈത്തിലെ അൽ ഷാഹിൽ സ്റ്റേഡിയത്തിലാണ് മത്സരങ്ങൾ നടന്നത്.

പതിനാറ് ടീമുകൾ പങ്കെടുത്ത ടൂർണമെന്റിന്റെ ഫൈനലിൽ സ്മാഷേഴ്സ് എഫ്‌സിയെ മറുപടിയില്ലാത്ത രണ്ടു ഗോളുകൾക്ക് പരാജയപ്പെടുത്തിയാണ് ഡൈനാമോസ് ജേതാക്കളായത്. ടൂർണമെന്റിലെ താരമായി നിഷാമിനെയും ബെസ്റ്റ്‌ ഡിഫൻഡറായി ഷാനുവിനെയും, മികച്ച ഗോൾ കീപ്പറായി ഷിബിനെയും തിരഞ്ഞെടുത്തു.

നാലു ഗ്രൂപ്പുകളായി തിരിഞ്ഞുള്ള നൊക്കൗട്ട്‌‌ ഘട്ടങ്ങൾ കടന്നാണ് ടീമുകൾ ഫൈനലിൽ എത്തിയത്. കെഎംഎഫ്എയുടെ പിന്തുണയോടെയും നിയമാവലികളുമനുസരിച്ചാണ് മത്സരം നടന്നത്. ഹ്യുണ്ടായ് ആയിരുന്നു റുവി കപ്പ് മൂന്നാം സീസന്റെ മുഖ്യ പ്രായോജകർ.

മികച്ച ജനപങ്കാളിത്തത്തോടെ നടന്ന മത്സരം വൈകിട്ട് നാലു മണിക്കാരംഭിച്ച് രാത്രി പന്ത്രണ്ടോടെ അവസാനിച്ചു. ടൂർണമെന്റിൽ പങ്കെടുത്ത ടീമുകളോടും, സ്പോൺസർമാരോടും, ആദ്യാവസാനം പിന്തുണ നൽകിയ കാണികളോടും നന്ദി അറിയിക്കുന്നതായി ഫ്രണ്ട്സ് ഓഫ് റുവി ഭാരവാഹികളായ സുബിൻ, വരുൺ, ഹരിദാസ്, സുരേഷ് എന്നിവർ അറിയിച്ചു.

⭕⭕⭕⭕⭕⭕⭕⭕⭕

ഗൾഫ് വാർത്തകൾക്കായി https://enlightmedia.in/news/category/gulf

For: News & Advertisements: +968 95210987 enlightmediaoman@gmail.com

⭕⭕⭕⭕⭕⭕⭕⭕⭕

ഗൾഫ് വാർത്തകളും, ജോലി ഒഴിവുകളും അറിയുന്നതിനായി വാട്സ്ആപ് ഗ്രൂപ്പിൽ ജോയിൻ ചെയ്യുക https://chat.whatsapp.com/L0A5fecOrEXEg27R3RFc1a

Facebook: https://www.facebook.com/MalayalamVarthakalNews

Instagram: https://www.instagram.com/enlightmediaom an

YouTube: https://www.youtube.com/@EnlightMediaOman

⭕⭕⭕⭕⭕⭕⭕⭕⭕

Tags:

Ruwi Cup Football: Dynamos FC Winners