പാലക്കാട് ആശുപത്രി മാലിന്യ ലോറി വിദ്യാര്‍ഥികള്‍ക്കിടയിലേക്ക് പാഞ്ഞുകയറി; ബി.സി.എ വിദ്യാര്‍ഥി മരിച്ചു, നാല് പേര്‍ക്ക് പരുക്ക്

Palakkad hospital garbage truck bursts into students; BCA student dies, four injured

പാലക്കാട്: ആശുപത്രി മാലിന്യം കൊണ്ടുപോകുകയായിരുന്ന മിനി ലോറി നിയന്ത്രണം വിട്ട് വിദ്യാര്‍ഥികള്‍ക്കിടയിലേക്ക് പാഞ്ഞുകയറിയുണ്ടായ അപകടത്തില്‍ ഒരു വിദ്യാര്‍ഥി മരിച്ചു. പാലക്കാട് ജില്ലയിലെ ഒമ്പതാം മൈലില്‍ വെള്ളിയാഴ്ച ഉച്ചയോടെയുണ്ടായ അപകടത്തില്‍ യുവക്ഷേത്ര കോളജിലെ രണ്ടാംവര്‍ഷ ബി.സി.എ വിദ്യാര്‍ഥിയും പറക്കുളം സ്വദേശിയുമായ മുഹമ്മദ് ഫര്‍ഹാന്‍ ആണ് മരിച്ചത്.

ജുമുഅ നിസ്‌കാരം കഴിഞ്ഞ് കോളജിലേക്ക് നടന്നുപോകുകയായിരുന്ന വിദ്യാര്‍ഥികള്‍ക്കിടയിലേക്കാണ് നിയന്ത്രണം വിട്ട ലോറി ഇടിച്ചുകയറിയത്. ഗുരുതരമായി പരിക്കേറ്റ മുഹമ്മദ് ഫര്‍ഹാനെ ആശുപത്രിയിലെത്തിച്ചെങ്കിലും ചികിത്സയ്ക്കിടെ മരിച്ചു.

അപകടത്തില്‍ നാല് വിദ്യാര്‍ഥികള്‍ക്ക് പരിക്കേറ്റിട്ടുണ്ട്. ഇവരെ പാലക്കാട് ജില്ലാ ആശുപത്രിയിലും സമീപത്തെ സ്വകാര്യ ആശുപത്രികളിലുമായി പ്രവേശിപ്പിച്ചു. പരിക്കേറ്റവരില്‍ ഒരാളുടെ നില ഗുരുതരമായതിനാല്‍ പാലക്കാട്ടെ സ്വകാര്യ ആശുപത്രിയിലേക്ക് മാറ്റി. പ്രദേശവാസിയായ ഒരാള്‍ക്കും അപകടത്തില്‍ പരിക്കേറ്റിട്ടുണ്ട്.

ദൃക്‌സാക്ഷികളുടെ മൊഴിപ്രകാരം അമിതവേഗത്തിലെത്തിയ ലോറിയാണ് നിയന്ത്രണം നഷ്ടപ്പെട്ട് വിദ്യാര്‍ഥികള്‍ക്കിടയിലേക്ക് പാഞ്ഞുകയറിയത്. എന്നാല്‍ അമിതവേഗമാണോ അപകടകാരണം, വാഹനത്തിന് സാങ്കേതിക തകരാറുണ്ടായിരുന്നോ തുടങ്ങിയ എല്ലാ സാധ്യതകളും പോലീസ് പരിശോധിച്ചുവരികയാണ്.

സംഭവത്തില്‍ പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്.

പാലക്കാട് അപകടത്തില്‍ മരിച്ചത് ആര്?

യുവക്ഷേത്ര കോളജിലെ രണ്ടാംവര്‍ഷ ബി.സി.എ വിദ്യാര്‍ഥിയും പറക്കുളം സ്വദേശിയുമായ മുഹമ്മദ് ഫര്‍ഹാനാണ് മരിച്ചത്.

അപകടം എവിടെയാണ് നടന്നത്?

പാലക്കാട് ജില്ലയിലെ ഒമ്പതാം മൈലിലാണ് അപകടം നടന്നത്.

അപകടം എങ്ങനെ സംഭവിച്ചു?

ജുമുഅ നിസ്‌കാരം കഴിഞ്ഞ് കോളജിലേക്ക് നടന്നുപോകുകയായിരുന്ന വിദ്യാര്‍ഥികള്‍ക്കിടയിലേക്ക് ആശുപത്രി മാലിന്യം കൊണ്ടുപോകുകയായിരുന്ന മിനി ലോറി നിയന്ത്രണം വിട്ട് പാഞ്ഞുകയറുകയായിരുന്നു.