NehaS. Krishnan presented with Guinness Certificate

പത്തനംതിട്ട: രാജ്യങ്ങളുടെ കോഡുകൾ പറഞ്ഞ് ഗിന്നസ് റിക്കാഡിൽ ഇടം പിടിച്ച നേഹ എസ്. കൃഷ്ണന് ഗിന്നസ് സർട്ടിഫിക്കറ്റ് സമ്മാനിച്ചു. പത്തനംതിട്ട പ്രസ് ക്ലബിൽ നടന്ന ചടങ്ങിൽ അസോസിയേഷൻ ഓഫ് ഗിന്നസ് റിക്കാർഡ് ഹോൾഡേഴ്സ് (ആഗ്രഹ്) സംസ്ഥാന സെക്രട്ടറി ഗിന്നസ് സുനിൽ ജോസഫ് സർട്ടിഫിക്കറ്റും, തുവയൂർ ഇൻഫൻ്റ് ജീസസ് സെൻട്രൽ സ്കൂൾ ഡയറക്ടർ റവ. ഫാ. ജോബിൻ ജോസ് പുളിവിളയിൽമെഡലും സമാനിച്ചു.

അമേയ പ്രതീഷ് ,യുണൈറ്റഡ് അറബ് എമിറേറ്റ്സിലെ ഷാർജയിൽ 13 മെയ് 2024-ൽ ഒരു മിനിറ്റിൽ 61 രാജ്യങ്ങളുടെ കോഡുകൾ പറഞ്ഞ്സ്ഥാപിച്ചറിക്കാർഡാണ്57സെക്കൻഡിൽ 65 രാജ്യങ്ങളുടെ കോഡുകൾ ആയി അടൂർ സ്വദേശി നേഹ എസ്.കൃഷ്ണൻ തിരുത്തിയത്.

2025 ലെ ആദ്യ ഗിന്നസ് ജേതാവായ നേഹ കേരളത്തിൽ നിന്ന് വ്യക്തിഗത ഇനത്തിൽ റിക്കാർഡിൽ എത്തിയ 96 മത്തെയും പത്തനംതിട്ട ജില്ലയിൽ നിന്നുള്ള 6-മത്തെ ആളുമാണ്.

പീരുമേട് മരിയഗിരി ഇംഗ്ലീഷ് മീഡിയം ഹൈസ്കൂളിൽ നടന്ന പ്രകടനത്തിന് ഗിന്നസ് സുനിൽ ജോസഫ് മുഖ്യനിരിക്ഷകനായിരുന്നു. ക്രിസ്ബി ജോസഫ്, ഗംഗ മോഹൻ എന്നിവർ നിരീക്ഷകരായും വിനിഷ കൃഷ്ണൻ, വിഷ്ണു .എൻ . കുമാർ ടൈം കീപ്പർമാരായും പ്രവർത്തിച്ചു.അനിഷ് സെബാസ്റ്റ്യൻ പ്രകടനം ക്യാമറയിൽ പകർത്തി.

നേഹ തുവയൂർഇൻഫൻ്റ് ജിസസ് സെൻട്രൽ സ്കൂൾ നാലാം ക്ലാസ് വിദ്യാർത്ഥിനിയാണ്. സ്കൂൾ പ്രിൻസിപ്പൽ റവ .സിസ്റ്റർ ജെസി എസ്.സി. വി , ക്ലാസ് ടിച്ചർ ശ്രീജ ബി.എസ്

എന്നിവർ ചടങ്ങിൽ സംബന്ധിച്ചു.

തുവയൂർശ്രീഹരിയിൽ സനേഷ്, പാർവതി ദമ്പതികളുടെ മൂത്തമകളാണ്.എൽ.കെ.ജി വിദ്യാർത്ഥിനി വേദ സഹോദരിയാണ്.