എം കെ സാനുമാഷിന് സ്മരണാഞ്ജലി അർപ്പിച്ച് മസ്ക്കറ്റിലെ പ്രവാസലോകം

മസ്‌കറ്റ്: ഇന്ത്യൻ സോഷ്യൽ ക്ലബ് കേരളാ വിഭാഗത്തിൻ്റെ നേതൃത്വത്തിൽ പ്രമുഖ സാഹിത്യകാരനും നിരൂപകനുമായ പ്രൊഫസർ എം. കെ. സാനുവിന്റെ വിയോഗത്തിൽ അനുശോചന യോഗം സംഘടിപ്പിച്ചു. മസ്കറ്റിലെ സാമൂഹിക, സാംസ്കാരിക, സാഹിത്യ, വിദ്യാഭ്യാസ മേഖലകളിൽ നിന്നുള്ള പ്രമുഖർ ചടങ്ങിൽ അദ്ദേഹത്തിൻ്റെ സംഭാവനകളെ സ്മരിച്ചു. ചൊവ്വാഴ്ച വൈകിട്ട് എട്ടുമണിക്ക് കേരളാ വിംഗ് ഓഫീസ് ഹാളിൽ വെച്ചായിരുന്നു പരിപാടി.

സാഹിത്യ, സാമൂഹിക, അധ്യാപന മേഖലകളിൽ അതുല്യമായ സംഭാവനകൾ നൽകിയ എം. കെ. സാനു മാഷിൻ്റെ വിയോഗം ഭാഷയ്ക്കും സാഹിത്യത്തിനും തീരാനഷ്ടമാണെന്ന് യോഗത്തിൽ സംസാരിച്ച ഒമാനിലെ പ്രമുഖ മലയാളി സാഹിത്യകാരൻ ഹാറൂൺ റഷീദ് ചൂണ്ടിക്കാട്ടി. ഒരു തലമുറയെ മുഴുവൻ അറിവിൻ്റെ ലോകത്തേക്ക് കൈപിടിച്ചുയർത്താൻ അദ്ദേഹത്തിന് സാധിച്ചുവെന്നും അദ്ദേഹം കൂട്ടിച്ചേർത്തു.

ബഹുമുഖ പ്രതിഭയായ മാഷ് മലയാള സാഹിത്യത്തിന് നൽകിയ സംഭാവനകൾ നിസ്തുലമാണ്. ഒരു നിരൂപകൻ എന്നതിലുപരി, ജീവചരിത്രകാരൻ, പ്രഭാഷകൻ, അധ്യാപകൻ, രാഷ്ട്രീയ പ്രവർത്തകൻ എന്നീ നിലകളിലും അദ്ദേഹം ശ്രദ്ധേയനായിരുന്നു. അദ്ദേഹത്തിൻ്റെ ജീവചരിത്ര രചനകൾ മലയാള സാഹിത്യത്തിലെ മികച്ച കൃതികളായി കണക്കാക്കപ്പെടുന്നതായി യോഗത്തിൽ സംസാരിച്ചവർ അനുസ്മരിച്ചു.

ഇന്ത്യൻ സോഷ്യൽ ക്ലബ് സാമൂഹിക വിഭാഗം സെക്രട്ടറി സന്തോഷ് കുമാർ, ഇന്ത്യൻ സ്കൂൾ ബോർഡ് അംഗം നിധീഷ് കുമാർ, സാമൂഹിക പ്രവർത്തകരായ അഭിലാഷ് ശിവൻ, വിജയൻ കെ. വി, ഷാഫി, കേരളാ വിങ് സാഹിത്യ വിഭാഗം ജോയിൻ്റ് സെക്രട്ടറി ജയചന്ദ്രൻ പള്ളിക്കൽ എന്നിവരും സാനു മാഷിൻ്റെ ജീവിതത്തെയും നിലപാടുകളെയും സാഹിത്യ സംഭാവനകളെയും അനുസ്മരിച്ച് സംസാരിച്ചു.

ഇന്ത്യൻ സോഷ്യൽ ക്ലബ് കേരളാ വിഭാഗം കൺവീനർ അജയൻ പൊയ്യാറാ അധ്യക്ഷനായ യോഗത്തിൽ കോ-കൺവീനർ ജഗദീഷ് കീരി സ്വാഗതവും ട്രഷറർ സുനിത് തെക്കേടവത്ത് നന്ദിയും പറഞ്ഞു.

⭕⭕⭕⭕⭕⭕⭕⭕⭕

ഗൾഫ് വാർത്തകൾക്കായി https://enlightmedia.in/news/category/gulf

For: News & Advertisements: +968 95210987 enlightmediaoman@gmail.com

⭕⭕⭕⭕⭕⭕⭕⭕⭕

ഗൾഫ് വാർത്തകളും, ജോലി ഒഴിവുകളും അറിയുന്നതിനായി വാട്സ്ആപ് ഗ്രൂപ്പിൽ ജോയിൻ ചെയ്യുക https://chat.whatsapp.com/L0A5fecOrEXEg27R3RFc1a

Facebook: https://www.facebook.com/MalayalamVarthakalNews

Instagram: https://www.instagram.com/enlightmediaom an

Youtube: https://www.youtube.com/@EnlightMediaOman

⭕⭕⭕⭕⭕⭕⭕⭕⭕