Malayalam Mission Oman Cultural Festival: Inviting name and logo

മസ്‌ക്കറ്റ്: മലയാളം മിഷൻ ഒമാൻ ചാപ്റ്ററിന്റെ ആഭിമുഖ്യത്തിൽ നവംബർ 15 ന് മസ്കറ്റിൽ വച്ച് സംഘടിപ്പിക്കപ്പെടുന്ന സാംസ്കാരിക പരിപാടിയുടെ പേര് നിർദ്ദേശിക്കാനും, ലോഗോ ഡിസൈൻ ചെയ്യാനും മലയാളികളായ ഒമാൻ പ്രവാസികൾക്ക് അവസരം.

കേരള സംഗീത നാടക അക്കാദമി ചെയർമാനും, പ്രഗത്ഭ ചെണ്ടവാദ്യകനുമായ മട്ടന്നൂർ ശങ്കരൻകുട്ടി, മലയാളം മിഷൻ ഡയറക്ടറും പ്രശസ്ത കവിയുമായ മുരുകൻ കാട്ടാകട തുടങ്ങിയ പ്രമുഖ വ്യക്തിത്വങ്ങളും പ്രസ്തുത പരിപാടിയിൽ മുഖ്യാതിഥികളായി പങ്കെടുക്കുമെന്ന് മലയാളം മിഷൻ ഭാരവാഹികൾ അറിയിച്ചു.

സംസ്ഥാനസർക്കാരിൽ നിന്നുള്ള പ്രതിനിധികളെയും പരിപാടിയിൽ പ്രതീക്ഷിക്കുന്നതായും, കേരളപ്പിറവിയോടനുബന്ധിച്ച് നടത്തപ്പെടുന്ന പ്രോഗ്രാം മലയാള ഭാഷയും സംസ്ക്കാരവും പ്രവാസലോകത്ത് ഏതെല്ലാം നിലകളിൽ പ്രകാശിതമാവുന്നു എന്നതിന്റെ നേർക്കാഴ്ചയാവുന്ന സാംസ്കാരികോത്സവമാക്കി മാറ്റാനാണ് തീരുമാനമെന്നും സംഘാടകർ പറഞ്ഞു.

പരിപാടിയുടെ പേരും ലോഗോയും സമർപ്പിക്കാനുള്ള അവസാന തീയ്യതി സെപ്റ്റംബർ 30 ആണെന്നും തെരഞ്ഞെടുക്കപ്പെടുന്നവരെ നവംബർ 15 ന് നടക്കുന്ന പരിപാടിയിൽ വച്ച് ആദരിക്കുമെന്നും സംഘാടകർ അറിയിച്ചു. നിങ്ങളുടെ എൻട്രികൾ mlmissionoman@gmail.com എന്ന ഈ മെയിലിലോ, 0096892060939 എന്ന വാട്ട്സ് അപ്പ് നമ്പറിലോ അയക്കാവുന്നതാണ്.

⭕⭕⭕⭕⭕⭕⭕⭕⭕

ഗൾഫ് വാർത്തകൾക്കായി https://enlightmedia.in/news/category/gulf

ഗൾഫ് വാർത്തകളും, ജോലി ഒഴിവുകളും അറിയുന്നതിനായി വാട്സ്ആപ് ഗ്രൂപ്പിൽ ജോയിൻ ചെയ്യുക https://chat.whatsapp.com/B9L2Cp0r8se1VAMEI9nTFl

For: News & Advertisements +968 95210987 / +974 55374122

⭕⭕⭕⭕⭕⭕⭕⭕⭕

Tags: