CPM conference concludes in Vadakara today; Red Volunteer March, rally of half a million people

വടകര : സി.പി.എം കോഴിക്കോട്

ജില്ലാ സമ്മേളനത്തിന് ഇന്ന് വടകരയില്‍

സമാപനം.

പുതിയ ജില്ലാ സെക്രട്ടറിയേറ്റും കമ്മറ്റിയും പുതിയ സെക്രട്ടറിയെയും ഇന്ന് തെരഞ്ഞെടുക്കും.

ഇന്ന് വൈകീട്ട് റെഡ് വളണ്ടിയര്‍ മാര്‍ച്ചും തുടര്‍ന്ന് അരലക്ഷം പേര്‍ അണിനിരക്കുന്ന ബഹുജനറാലിയോടെയുമാണ് സമ്മേളനത്തിന്റെ സമാപനം.. മൂന്ന് കേന്ദ്രങ്ങളില്‍ നിന്നായി 4 മണിക്ക് റെഡ്വളണ്ടിയര്‍ മാര്‍ച്ച് പുറപ്പെടും,

നാരായണനഗറില്‍ തയ്യറാക്കിയ

സീതാറാംയെച്ചൂരി നഗറില്‍ നടക്കുന്ന പൊതുസമ്മേളനം അഞ്ചുമണിക്ക് മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യും. പോളിറ്റ്ബ്യൂറോ അംഗം എ.വിജയരാഘവന്‍, കേന്ദ്രകമ്മറ്റി അംഗം എളമരംകരീം, ടി.പി.രാമകൃഷ്ണന്‍, പി.എ. മുഹമ്മദ് റിയാസ്, പുത്തലത്ത് ദിനേശന്‍, പി.മോഹനന്‍ സംസാരിക്കും.

ജില്ലാസെക്രട്ടറി അവതരിപ്പിച്ച പ്രവര്‍ത്തന റിപ്പോര്‍ട്ടിന്മേല്‍ രണ്ടു മണിക്കൂര്‍ ഗ്രൂപ്പ് ചര്‍ച്ചയും അഞ്ചര മണിക്കൂര്‍ പൊതുചര്‍ച്ചയും നടന്നു. 16 ഏരിയാകമ്മറ്റികളെ പ്രതിനിധീകരിച്ച് 12 വനിതകള്‍ ഉള്‍പ്പെടെ 45 പേര്‍

പൊതു ചര്‍ച്ചയില്‍ പങ്കെടുത്തു. ചര്‍ച്ച കള്‍ക്ക് മുഖ്യമന്ത്രി പിണറായി വിജയനും ജില്ലാസെക്രട്ടറി പി.മോഹനന്‍ മാസ്റ്ററും മറുപടി പറഞ്ഞു. സമ്മേളനം സര്‍വ്വകലാശാലകളെ കാവിവല്‍ക്കരിക്കുന്നതിനും കച്ചവട വല്‍ക്കരിക്കുന്നതിനുമുള്ള സംഘപരിവാര്‍ നീക്കത്തിനെതിരെയും, മോഡി സര്‍ക്കാരിന്റെ സ്ത്രീ വിരുദ്ധ നീക്കങ്ങള്‍ക്കെതിരെയും, തരിശു പാടശേഖരങ്ങള്‍ കൃഷിയോഗ്യ മാക്കുക തുടങ്ങിയ വിഷയങ്ങളില്‍ പ്രമേയങ്ങൾ പാസാക്കി.

Tags:

Tag - 1 Cpim clt conference