Tue Dec 12, 2023 10:56 PM 1ST
Location
Sign In
Tue Dec 12, 2023 10:56 PM 1ST
Location
Sign In
06 Jan 2026 11:29 IST
Share News :
തിരുവനന്തപുരം : നിയമസഭാ തെരഞ്ഞെടുപ്പുമായി ബന്ധപ്പെട്ട് കേന്ദ്ര തെരഞ്ഞെടുപ്പ് കമ്മീഷൻ കേരളം സന്ദർശിക്കും. മുഖ്യ തിരഞ്ഞെടുപ്പ് കമ്മീഷണര് ഗ്യാനേഷ് കുമാര്, കമ്മീഷണര്മാരായ ഡോ. സുഖ്വിന്ദര് സിങ് സന്ധു, ഡോ. വിവേക് ജോഷി എന്നിവര് അടുത്തമാസമാണ് സംസ്ഥാനത്ത് എത്തുക.
കേരളത്തില് ഏപ്രില് പകുതിയോടെ ആകും നിയമസഭാ തെരഞ്ഞെടുപ്പ്. ഒറ്റഘട്ടമായിട്ട് ആയിരിക്കും തെരഞ്ഞെടുപ്പ് നടക്കുക എന്നാണ് സൂചന.
അർഹരായ മുഴുവൻ ആളുകളെയും വോട്ടേഴ്സ് ലിസ്റ്റില് ഉള്പ്പെടുത്താൻ അടിയന്തര നടപടികള്ക്ക് സർക്കാർ തീരുമാനമെടുത്തു. മതിയായ രേഖകള് കൈവശമില്ലാത്തവർക്ക് യുദ്ധകാലാടിസ്ഥാനത്തില് രേഖകള് ലഭ്യമാക്കുന്നതിനുള്ള നടപടികള് സ്വീകരിക്കാൻ ജില്ലാ കളക്ടർമാർക്ക് നിർദ്ദേശം നല്കി. രേഖകള് കിട്ടാൻ ഒരു ഫീസും ഈടാക്കുന്നതല്ല. ഏതെങ്കിലും ഫീസ് ഉണ്ടെങ്കില് അത് ഈ കാലയളവില് ഒഴിവാക്കും.
വോട്ടർ പട്ടികയില് പേര് ഉള്പ്പെടുത്തുന്നതിന് ജനങ്ങളെ സഹായിക്കുന്നതിനായി മതിയായ സഹായക കേന്ദ്രങ്ങള് (help desk) പ്രാദേശികാടിസ്ഥാനത്തില് സ്ഥാപിക്കുന്നതിന് മന്ത്രിസഭാ യോഗം നേരത്തെ തീരുമാനിച്ചിട്ടുണ്ട്. ആവശ്യമുള്ള സ്ഥലങ്ങളിലെല്ലാം പൊതുജനങ്ങള്ക്ക് ബുദ്ധിമുട്ടുണ്ടാകാത്ത രീതിയില് ഹിയറിംഗ് കേന്ദ്രങ്ങള് സജ്ജീകരിക്കുന്നതിനും, അതിനുവേണ്ട അടിസ്ഥാന സൗകര്യങ്ങള് ഉറപ്പു വരുത്തുന്നതിനും ജില്ലാ കളക്ടർമാർക്ക് ചുമതല നല്കി. ഹിയറിങ്ങ് കേന്ദ്രങ്ങളില് ആവശ്യമെങ്കില് വോളന്റിയർമാരുടെ സേവനവും മതിയായ ഹിയറിംഗ് ഉദ്യോഗസ്ഥരുടെ സേവനവും ഉറപ്പുവരുത്തേണ്ടതാണ്. പൊതുജനങ്ങള്ക്ക് ഓണ്ലൈനായി ഫോമുകള് സമർപ്പിക്കുന്നതിനുള്ള സൗകര്യം എല്ലാ സഹായ കേന്ദ്രങ്ങളിലും സജ്ജീകരിക്കും. അക്ഷയ സെന്ററുകള് ഈടാക്കുന്ന ഫീസ് ലഘൂകരിക്കാന് ഐ.റ്റി. വകുപ്പിനും നിർദേശം നല്കിയിട്ടുണ്ട്.
Follow us on :
Tags:
More in Related News
Please select your location.
34.jpeg)
