11 Oct 2024 12:44 IST
Share News :
വനിതാ സഹ സംവിധായികയെ പീഡിപ്പിച്ചെന്ന പരാതിയിൽ സംവിധായകനും സുഹൃത്തിനുമെതിരെ കേസ്. സംവിധായകൻ സുരേഷ് തിരുവല്ല, വിജിത്ത് വിജയകുമാർ എന്നിവർക്ക് എതിരെ മരട് പോലീസാണ് ബലാത്സംഗത്തിന് കേസ് എടുത്തിരിക്കുന്നത്. മാവേലിക്കര സ്വദേശിനിയുടെ പരാതിയിലാണ് മരട് പോലീസിൻ്റെ നടപടി.
സിനിമയിൽ അവസരം വാഗ്ദാനം ചെയ്തും വിവാഹ വാഗ്ദാനം നൽകിയും പീഡിപ്പിച്ചുവെന്നാണ് കേസ്. ഓർമ്മ, നാളേക്കായി തുടങ്ങിയ സിനിമകളുടെ സംവിധായകനാണ് സുരേഷ് തിരുവല്ല. ഹേമ കമ്മിറ്റി റിപ്പോർട്ടിന് പിന്നാലെ മലയാള സിനിമയിസെ ലൈംഗികാതിക്രമങ്ങളും മറ്റ് വിവേചന പരമായ സമീപനങ്ങളും ചൂണ്ടിക്കാട്ടി ഒട്ടേറെപ്പേർ രംഗത്തെത്തിയിരുന്നു.
നടനും സവിധായകനുമായ രഞ്ജിത്ത്, എംഎൽഎ മുകേഷ്, സിദ്ദിഖ്, ഇടവേള ബാബു, ജയസൂര്യ, ബാലചന്ദ്ര മേനോൻ തുടങ്ങി മലയാള സിനിമയിലെ പ്രമുഖ താരങ്ങൾക്കെതിരെ ആരോപണങ്ങൾ ഉയരുകയും ഇതിൽ എഫ്ഐആർ രജിസ്റ്റർ പ്രത്യേക അന്വേഷണ സംഘം നടപടികൾ ആരംഭിക്കുകയും ചെയ്തിരുന്നു. ഇതിന് പിന്നാലെയാണ് സംവിധായകൻ സുരേഷ് തിരുവല്ലയ്ക്കെതിരെ ആരോപണം ഉയരുന്നത്.
Follow us on :
Tags:
Please select your location.