Tue Dec 12, 2023 10:56 PM 1ST
Location
Sign In
Tue Dec 12, 2023 10:56 PM 1ST
Location
Sign In
14 Oct 2024 13:44 IST
Share News :
കോട്ടയം: കോട്ടയം മൂലവട്ടം പൂവൻതുരുത്തിൽ ട്രെയിൻ തട്ടി യുവാവ് മരിച്ചു. പാക്കിൽ ചിറയിൽ വീട്ടിൽ പരേതനായ ഷൈജുവിന്റെ മകൻ ജിബിൻ ഷൈജു (23) ആണ് മരിച്ചത്. ഞായറാഴ്ച രാത്രി 11.30 ഓടെ പൂവൻതുരുത്ത് റെയിൽവേ മേൽപ്പാലത്തിനു സമീപമായിരുന്നു അപകടം. കോട്ടയം ഭാഗത്തേയ്ക്ക് വരികയായിരുന്ന പാലക്കാട് അമൃത എക്സ്പ്രസാണ് യുവാവിനെ ഇടിച്ചത്. അപകടത്തെ തുടർന്ന് അമൃത എക്‌സ്പ്രസ് അൽപനേരം ട്രാക്കിൽ നിർത്തിയിട്ടു. തുടർന്ന് പാക്കിൽ ഭാഗത്ത് വച്ച് ഒരാളെ ട്രെയിൻ ഇടിച്ചെന്ന വിവരം ലോക്കോ പൈലറ്റ് കോട്ടയം റെയിൽവേ സ്റ്റേഷനിൽ അറിയിച്ചു. തുടർന്ന് നാട്ടുകാരും റെയിൽവേയും ചിങ്ങവനം പൊലീസ് അധികൃതരും നടത്തിയ തിരച്ചിലിലാണ് മൃതദേഹം കണ്ടെത്തിയത്. മൃതദേഹം കോട്ടയം ജില്ലാ ജനറൽ ആശുപത്രി മോർച്ചറിയിൽ. പോസ്റ്റ്‌മോർട്ടത്തിന് ശേഷം മൃതദേഹം ബന്ധുക്കൾക്ക് വിട്ടു നൽകും. സംസ്‌കാരം ചൊവ്വാഴ്ച രാവിലെ 11ന് പാക്കിൽ സെന്റ് തേരേസാസ് പള്ളി സെമിത്തേരിയിൽ. തിരുവല്ല ബിലീവേഴ്സ് ചർച്ച് ആശുപത്രി ജീവനക്കാരനാണ്.
Follow us on :
More in Related News
Please select your location.
