VKS Science and Culture Festival begins

വി കെ എസ് ശാസ്ത്ര സാംസ്കാരികോത്സവം തുടങ്ങി

പറവൂർ: കേരള ശാസ്ത്രസാഹിത്യ പരിഷത്ത് സംഘടിപ്പിക്കുന്ന വി കെ എസ് ശാസ്ത്ര സാംസ്കാരികോത്സവത്തിന് തുടക്കമായി.

പറവൂർ പിഡബ്ള്യുഡി റസ്റ്റ് ഹൗസ് ഹാളിൽ കവി ആലങ്കോട് ലീലാകൃഷ്ണൻ ഉദ്ഘാടനം ചെയ്തു. പരിഷത്ത് സംസ്ഥാന പ്രസിഡൻ്റ് ടി കെ മീരാഭായി അധ്യക്ഷയായി. സംഘാടക സമിതി ചെയർമാൻ ഡോ. കെ വി കുഞ്ഞികൃഷ്ണൻ, പി രാജു, എൻ ശാന്തകുമാരി, പി വി ദിവാകരൻ, കാവുമ്പായി ബാലകൃഷ്ണൻ, പി കെ വാസു,പി ബെന്നി എന്നിവർ സംസാരിച്ചു. |

നെഹ്റുവിൻ്റെ ജീവിതവും ശാസ്ത്രബോധവും എന്ന വിഷയത്തിൽ യുപി, ഹൈസ്കൂൾ വിഭാഗക്കാർക്കായി പ്രശ്നോത്തരിയും സംഘടിപ്പിച്ചു. ശാസ്ത്ര കലാജാഥ പ്രവർത്തകരുടെ സംഗമം ജി രാജശേഖരൻ ഉദ്ഘാടനം ചെയ്തു. 'ആരാണിന്ത്യക്കാർ' നാടകം, പൂതപ്പാട്ട്, ഗീതാഞ്ജലി, വി കെ എസ് പാട്ടുകളുടെ നൃത്താവിഷ്കാരം എന്നിയും അരങ്ങേറി.

ശനിയാഴ്ച ഡോ.കാവുമ്പായി ബാലകൃഷ്ണൻ, വി കെ എസ് അനുസ്മരണ പ്രഭാഷണം നടത്തും. 10.30ന് 'ജനകീയകല' എന്ന വിഷയത്തിൽ കേരള സംഗീത നാടക അക്കാദമി സെക്രട്ടറി കരിവെള്ളൂർ മുരളി, '21-ാം നൂറ്റാണ്ടിലെ മലയാളി കുടുംബജീവിതം' എന്ന വിഷയത്തിൽ ഡോ. ജെ ദേവിക, 'ശാസ്ത്ര കലാജാഥയുടെ സാംസ്കാരിക മാനങ്ങൾ' എന്ന വിഷയത്തിൽ എൻ വേണുഗോപാലൻ, നാലിന് 'ശാസ്ത്രം സമൂഹം സംസ്കാരം' എന്ന വിഷയത്തിൽ ഡോ.സുനിൽ പി ഇളയിടം എന്നിവർ സംസാരിക്കും. വൈകീട്ട് ആറിന് എറണാകുളം, കണ്ണൂർ, തൃശൂർ ജില്ലകളിലെ കലാസംഘത്തിൻ്റെ പരിപാടികളും ലഘു നാടകങ്ങളും നടക്കും.

Tags:

enlightmedia,malayalamnews,kerala,latestnews