Valayanad Temple Festival from 6th February

ശ്രീ വളയനാട് ക്ഷേത്രോത്സവം 2026 ഫെബ്രുവരി 6 ന് കൊടിയേറി 12 ന് പള്ളിവേട്ടയും, 13 ന് ആറാട്ടോടെയും സമാപിക്കും. ഫെബ്രുവരി 7 മുതൽ 11 വരെ ക്ഷേത്രത്തിൽ രാവിലെ 7.30 നും വൈകീട്ട് 4.15 നും, രാത്രി 9 മണിക്കും ശീവേലി എഴുന്നള്ളിപ്പുകളും, രാവിലെ 9.30 ന് ഓട്ടൻ തുള്ളലും,6.30 ന് പാഠകവും അത്താഴ പൂജക്ക് ശേഷം കളമെഴുത്തും പാട്ടും . 9 മണിക്ക് ശേഷം ചവലക്കുത്തും നടക്കും. വൈകീട്ട് 7 മണിക്ക് പുറത്തെ സ്റ്റേജിൽ പ്രഗത്ഭ കലാകാരന്മാർ അവതരിപ്പിക്കുന്ന തായമ്പകയും നടക്കും. കൊടിയേറ്റത്തിനു ശേഷം സാംസ്‌കാരിക സമ്മേളനത്തിൽ പ്രശസ്‌ത സംഗീത സംവിധായകൻ ശ്രീ വിദ്യാധരൻ മാസ്റ്റർക്ക് ശ്രീ വളയനാട് ദേവീ പുരസ്‌കാരം മാനേജർ, സാമൂര്യൻസ് എഡ്യൂക്കേഷനൽ ഇൻസ്റ്റിട്യൂഷൻസ് ശ്രീമതി മായാ ഗോവിന്ദ് സമർപ്പിക്കും സമ്മേളനത്തിൽ വട്ടോളി കൃഷ്‌ണൻ മൂസ്സത് അധ്യക്ഷത വഹിക്കും. അഡ്വ. ഗോവിന്ദ് ചന്ദ്രശേഖർ, മലബാർ ദേവസ്വം ബോർഡ് കമ്മീഷണർ ടി . സി ബിജു, വാർഡ് കൗൺസിലർ എം.സി അനിൽ കുമാർ, മാത്യഭൂമി ജോ, മാനേജിങ്ങ് എഡിറ്റർ പി.വി നിധീഷ്, മലായാള മനോരമ ചീഫ് കോർഡിനേഷൻ എഡിറ്റർ അനിൽ രാധാകൃഷ്‌ണൻ എന്നിവർ പങ്കെടുക്കും.