Vaikom Vembanad Lake Beyond Swimming L. K.G. Student Achieved Historical Achievement.

വൈക്കം: ഒരു മണിക്കൂർ 50 മിനിട്ടു കൊണ്ട് വേമ്പനാട്ട് കായലിൻ്റെ ആഴമേറിയ 7കിലോമീറ്റർ ദൂരം നീന്തിക്കയറി വെക്കം സ്വദേശിനിയായ നാല് വയസ്സുകാരി ചരിത്രനേട്ടം കൈവരിച്ചു. വൈക്കം കിഴക്കേനട വാര്യംപ്ലാവിൽ വീട്ടിൽ വൈശാഖ്, അശ്വതി ദമ്പതികളുടെ മകളും വൈക്കം ഗവണ്മെന്റ് ടൗൺ എൽ. പി സ്കൂളിലെ എൽ. കെ. ജി വിദ്യാർത്ഥിനിയുമായ വി. പാർവതിയാണ് ചരിത്രത്തിൽ ഇടം പിടിച്ചത്. രാവിലെ 7.40 ന് ആലപ്പുഴ ജില്ലയിലെ ചേർത്തല വടക്കുംകര അമ്പലക്കടവിൽ നിന്നും ആരംഭിച്ച് 9.30 ന് കോട്ടയം ജില്ലയിലെ വൈക്കം ബീച്ചിൽ വിജയകരമായി നീന്തൽ പൂർത്തിയാക്കി. റിട്ടയേർഡ് ഫയർ ഫോഴ്സ് ഓഫീസർ ടി. ഷാജികുമാറിന്റെ ശിക്ഷണത്തിൽ ഉദയനാപുരത്തെ ക്ഷേത്രക്കുളത്തിലും തുടർന്ന് കോതമംഗലം ഡോൾഫിൻ അക്വാട്ടിക് ക്ലബ്ബിലെ നീന്തൽ പരിശീലകൻ ബിജുതങ്കപ്പൻ്റെ ശിക്ഷണത്തിൽ കുത്തൊഴുക്കുള്ള മൂവാറ്റുപുഴ ആറ്റിലുമായിരുന്നു ഇതിനായുള്ള പരിശീലനം പൂർത്തിയാക്കിയത്. വൈക്കം ബീച്ചിൽ നഗരസഭ വൈസ് ചെയർമാൻ പി.ടി സുഭാഷിൻ്റെ അധ്യക്ഷതയിൽ നടന്ന അനുമോദന സമ്മേളനം അഡ്വ. മോൻസ് ജോസഫ് എം എൽ എ ഉദ്ഘാടനം ചെയ്തു. പ്രശസ്ത സിനിമ താരം ജെയ്‌സ് ജോസ്

വിശിഷ്ട അതിഥിയായി പങ്കെടുത്തു. നഗരസഭ കൗൺസിലർ ലേഖ അശോകൻ, ടൗൺ എൽ. പി സ്കൂൾ എച്ച്.എം ഷാലിമോൾ .എസ്, പി. ശശിധരൻ, പി. ഡി. ഉണ്ണി, വി.എസ് കുമാർ, ഫയർ ആൻഡ് റെസ്ക്യൂ ഓഫീസർ ടി. പ്രതാപ് കുമാർ തുടങ്ങിയവർ പ്രസംഗിച്ചു. ടൗൺ എൽ. പി സ്കൂൾ അധ്യാപകർ, വിദ്യാർഥികൾ, പ്രദേശവാസികൾ, നീന്തൽ പ്രേമികൾ അടക്കം നിരവധി പേർ ചടങ്ങിന് സാക്ഷ്യം വഹിക്കാൻ എത്തിയിരുന്നു.