സൊഹാർ: ഒമാൻ ദേശീയ ദിനത്തോട് അനുബന്ധിച്ച് നടക്കുന്ന സുഹാർ ഫെസ്റ്റിവൽ നവംബർ 19 നു തുടങ്ങി ജനുവരി 3 നു അവസാനിക്കും. ഇനിയുള്ള രാത്രികൾ സോഹാർ നിവാസികൾക്കും, ബാത്തിന മേഖലയിലുള്ളവരും പരിപാടികൾ നടക്കുന്ന സോഹാർ സനായ റോഡിലെ എന്റർ ടൈമെന്റ് പാർക്കിലേക്ക് ഒഴുകിയെത്തും.

സംഗീതത്തിന്റെ പെരുമഴ തീർക്കാൻ ഒമാനിലേ പ്രഗത്ഭരായ സംഗീത രംഗത്തെ പ്രമുഖർ ഫെസ്റ്റിവല്ലിൽ പങ്കെടുക്കും. ഓരോ ദിവസവും മുഖ്യ വേദിയിൽ, പാട്ടും, ഡാൻസും, പാരമ്പര്യ കലാപ്രകടനങ്ങളും, ലേസർ ഷോ, കുട്ടികളുടെ പരിപാടികൾ, ഡീജേ, ഫാഷൻ ഷോ, എന്നിങ്ങനെ വൈവിദ്യമാർന്ന പരിപാടിയുടെ രസ കാഴ്ചകൾ ആസ്വദിക്കാം. ഓരോ ദിവസവും വ്യത്യസ്തവും അതി മനോഹരങ്ങളുമായ കലാ വിരുന്നാണ് ഒരുക്കിയിരിക്കുന്നത്. 

ഖത്തർ വേൾഡ് കപ്പ് വേളയിൽ സോഹാർ ഫെസ്റ്റ് വെൽ വേദിയിൽ വലിയ സ്‌ക്രീനിൽ ഫുട് ബോൾ ആസ്വദിക്കാൻ നൂറുകണക്കിന് ആളുകൾ എത്തിയിരുന്നു. അതുപോലെ ആയിരത്തിൽ അധികം ആളുകൾക്ക് വേദിയിൽ നടക്കുന്ന പരിപാടികൾ ഗാലറിയിൽ ഇരുന്ന് കാണാൻ ഒരുക്കിയ ഇരിപ്പിടങ്ങൾ ശ്രദ്ധേയമായിരുന്നു. കഴിഞ്ഞ ദിവസം നടന്ന ലോകകപ്പ് യോഗ്യത മത്സരം ഒമാൻ ഇറാഖ് വാശിയേറിയ മത്സരം സ്‌ക്രീനിൽ കണ്ടാസ്വദിക്കാൻ ദൂരദിക്കുകളിൽനിന്നും നിരവധി പേർ എത്തിയിരുന്നു.

തുടക്ക ദിവസം മുതൽ വലിയ ജന പങ്കാളിത്തമാണ് ഫെസ്റ്റിവൽ വേദിയിൽ ഉണ്ടാകുന്നത്, അവധി ആരംഭിച്ചതോടെ കുടുംബങ്ങളും കുട്ടികളും ഒഴുകി എത്തുകയാണ്. ഒമാനിലെ പ്രമുഖ ഗായിക ഗായകരുടെ ഗാനമേളകൾ എല്ലാ ദിവസവും അരങ്ങേറുന്നുണ്ട്, കൂടാതെ മറ്റു നിരവധി കലാ രൂപങ്ങളും കുട്ടികൾക്കുള്ള പരിപാടികളും മുഖ്യ വേദിയിലും അനുബന്ധ വേദികളിലും അരങ്ങേറുന്നുണ്ട്.

പാചകം, കരകൗശല നിർമ്മാണവും വില്പനയും, അമ്യുസ് മെന്റ് പാർക്ക്‌, ആകാശത്തൊട്ടിൽ, ഫുഡ്‌ കോർട്ട്, കുട്ടികളുടെ നാടകങ്ങൾ, ഒമാനി തനത് കലാ രൂപങ്ങൾ, പാരമ്പര്യ വസ്ത്ര വിപണി, ക്വിസ് പ്രോഗ്രാം, നറുക്കെടുപ്പ്, എന്നിങ്ങനെ നീളുന്ന പരിപാടികൾ.

ദീപാലങ്കാരവും, കമാനങ്ങളും കൊണ്ട് ഓരോ ഗേറ്റും വർണ്ണ കാഴ്ചകളാണ്. സ്വദേശികളെ പോലെ വിദേശികളും വൈകുന്നേരങ്ങളിൽ സോഹാർ ഫെസ്റ്റ് കാണാനുള്ള ഒരുക്കത്തിലാണ്. ദേശീയ ദിന അവധി ദിവസങ്ങളിൽ വലിയ തിരക്കാണ് അനുഭവപ്പെട്ടത്.

സൊഹാറിൽ നിന്നും എൻലൈറ്റ് മീഡിയക്ക് വേണ്ടി റിപ്പോർട് തയ്യാറാക്കിയത് റഫീഖ് പറമ്പത്ത്, ക്യാമറ: സാദിഖ്‌ പുത്തനത്താണി.

⭕⭕⭕⭕⭕⭕⭕⭕⭕

ഗൾഫ് വാർത്തകൾക്കായി https://enlightmedia.in/news/category/gulf & https://www.facebook.com/MalayalamVarthakalNews?mibextid=kFxxJD

ഗൾഫ് വാർത്തകളും, ജോലി ഒഴിവുകളും അറിയുന്നതിനായി  വാട്സ്ആപ് ഗ്രൂപ്പിൽ ജോയിൻ ചെയ്യുക https://chat.whatsapp.com/L0A5fecOrEXEg27R3RFc1a

⭕⭕⭕⭕⭕⭕⭕⭕⭕

For: News & Advertisements: +968 95210987 / enlightmediaoman@gmail.com

⭕⭕⭕⭕⭕⭕⭕⭕⭕