Single Bus Stops Running Manappuram - Muipothu Journey in Distress

മേപ്പയ്യൂർ: കീഴ്പ്പയ്യൂർ മണപ്പുറം മുക്ക് മുയിപ്പോത്ത് റോഡ് പൊട്ടി പൊളിഞ്ഞ് ചളിക്കുണ്ടായും ചിലയിടങ്ങളിൽ പുഴരൂപത്തിലുമായിട്ട് മാസങ്ങളായി.

മേപ്പയൂർ ഭാഗത്ത് നിന്ന് എളുപ്പത്തിൽ വടകരയ്ക്ക് പോവാൻ കഴിയുന്ന മേപ്പയ്യൂർ - ചെറുവണ്ണൂർ പഞ്ചായത്ത്കളെ ബദ്ധിപ്പിക്കുന്ന പ്രധാനറോഡാണ് നടന്ന് പോവാൻ പോലും കഴിയാത്ത അവസ്ഥയിലായത്.

മുപ്പോത്ത് ഭാഗത്ത് നിന്ന് മേപ്പയ്യൂർ ഹൈസ്കൂളിലും കൊയിലാണ്ടി ഭാഗത്തേക്കും എത്തേണ്ട നൂറ് കണക്കിന് വിദ്യാർത്ഥികളും യാത്രക്കാരും ദുരിതമനുഭവിക്കുകയാണ്.

ഇത് വഴി സർവീസ് നടത്തിയിരുന്ന ഏക ബസും ഓട്ടം നിർത്തിയിരിക്കയാണ്.മുയിപ്പോത്ത് നിന്ന് കീഴ്പ്പയ്യൂർ മണപ്പുറത്തേക്ക് യാത്ര വിളിച്ചാൽ ഓട്ടോക്കാർ ഉടനെ വണ്ടി എടുത്ത് എങ്ങോട്ടെങ്കിലും പോവും.അവരെ കുറ്റം പറയാനാവില്ല അത്രയ്ക്ക് ദുരിതമാണ് മണപ്പുറത്തേക്കുള്ള യാത്ര. ഒരു യാത്ര പോയാൽ 2000 രൂപയുടെ പണി വണ്ടിക്ക് വരുമത്രേ.

റോഡ് യാത്രാ യോഗ്യമാക്കാൻ അടിയന്തര ഇടപെടൽ നടത്താൻ ചെറുവണ്ണൂർ , മേപ്പയ്യൂർ ഗ്രാമ പഞ്ചായത്തുകളും ജില്ലാ പഞ്ചായത്തും തയ്യാറാവണമെന്ന് സമന്വയ സാംസ്കാരിക വേദി കീഴ്പ്പയ്യൂർ ജനറൽ ബോഡി യോഗം ആവശ്യപ്പെട്ടു.

പ്രസിഡണ്ട് കെ. ലോഹ്യ അദ്ധ്യക്ഷത വഹിച്ചു. സെക്രട്ടറി വി.പി.മോഹനൽ,കൃഷ്ണൻ കീഴലാട്ട്, എ.സുധീവ്, കെ.എം. നാരായണൻ, കെ.സദാശിവൻ, കെ.ടി.രമേശൻ വി.പി ഷാജി, വി.പി രാജീവൻ, വി.കെ. പവിത്രൻ, വി.പി.അക്ഷയ് എന്നിവർ സംസാരിച്ചു.

Tags:

General