Praise for the Top Winners of the Phenomenon

മേപ്പയ്യൂർ: ഗവ.വൊക്കേഷണൽ ഹയർ സെക്കൻ്ററി സ്കൂൾ മേപ്പയ്യൂരിൽ വിവിധ മത്സര പരീക്ഷകളിൽ ഉന്നത വിജയം നേടിയ വിദ്യാർത്ഥികളെ അനുമോദിക്കുന്ന പ്രതിഭാസംഗമം

ടി.പി.രാമകൃഷ്ണൻ എം.എൽ.എ ഉദ്ഘാടനം ചെയ്തു.പ്രശസ്ത കവിയും പ്രഭാഷകനുമായ രമേശ് കാവിൽ മുഖ്യാതിഥിയായി.

ജില്ലാ പഞ്ചായത്ത് പ്രസിഡൻ്റ് ഷീജ ശശി അധ്യക്ഷത വഹിച്ച ചടങ്ങിൽ ഹയർ സെക്കൻ്ററി പ്രിൻസിപ്പൽ എം.സക്കീർ സ്വാഗതം പറഞ്ഞു. ഹെഡ്മാസ്റ്റർ കെ. നിഷിദ് പ്രവർത്തന റിപ്പോർട്ട് അവതരിപ്പിച്ചു.സ്റ്റാഫ് സെക്രട്ടറി

എൻ.വി.നാരായണൻ വിദ്യാഭ്യാസ മന്ത്രിയുടെ

സന്ദേശം വായിച്ചു.

പത്താംതരം ഉന്നത വിജയികൾക്കുള്ള പുരസ്ക്കാരങ്ങളും, ടി .സി .ഭാസ്കരൻ മെമ്മോറിയൽ എൻഡോവ്മെൻ്റ്, നാഗത്ത് ശിവാനന്ദൻ വൈദ്യർ എൻഡോവ്മെൻ്റ് എന്നിവ മേലടി ബ്ലോക്ക് പഞ്ചായത്ത് പ്രസിഡൻ്റ് സുരേഷ് ചങ്ങാടത്ത് വിതരണം ചെയ്തു.ഹയർ സെക്കൻ്ററി ഉന്നത വിജയികൾക്കുള്ള പുരസ്കാരം മേപ്പയ്യൂർ ഗ്രാമപഞ്ചായത്ത് വൈസ് പ്രസിഡൻ്റ്

എൻ.പി.ശോഭ വിതരണം ചെയ്തു.വി എച്ച് എസ് ഇ ഉന്നത വിജയികൾക്കുള്ള ഉപഹാരങ്ങൾ മേലടി ബ്ലോക്ക് പഞ്ചായത്തംഗം പി.രമ്യ വിതരണം ചെയ്തു.യു എസ് എസ്, എൻ എം എം എസ് വിജയികളെ ആരോഗ്യ വിദ്യാഭ്യാസ സ്റ്റാൻ്റിംഗ് കമ്മറ്റി ചെയർമാൻ ഭാസ്കരൻ കൊഴുക്കല്ലൂർ അനുമോദിച്ചു.

വിദ്യാലയത്തിനുള്ള പുരസ്ക്കാരം പിടിഎ പ്രസിഡൻ്റ് വി.പി ബിജുവിൽ നിന്ന് എസ് എം സി ചെയർമാൻ പുതുക്കുളങ്ങര സുധാകരൻ ഏറ്റു വാങ്ങി.കോഴിക്കോട് ജില്ലാ പഞ്ചായത്ത് മെമ്പർ സി.എം.ബാബു, ക്ഷേമകാര്യ സ്റ്റാൻ്റിംഗ് കമ്മിറ്റ ചെയർപേഴ്സൺ വി.പി.രമ, മെമ്പർ പി.പ്രശാന്ത്, പിടിഎ വൈസ് പ്രസിഡൻ്റ് വിനോദ് വടക്കയിൽ, വിഎച്ച്എസ്ഇ പ്രിൻസിപ്പൽ ആർ.അർച്ചന, അഡീഷണൽ ഹെഡ്മാസ്റ്റർ വി.കെ.സന്തോഷ്, കെ.കെ. ബിജിത്ത്, ഷബീർ ജന്നത്ത്, എം.കെ.രാമചന്ദ്രൻ , മേലാട്ട് നാരായണൻ, ടി.സി.സബീഷ്, എൻ.സുധാകരൻ, കമ്മന അബ്ദു റഹ്മാൻ, നിഷാദ് പൊന്നംകണ്ടി, പ്രോഗ്രാം കമ്മറ്റി കൺവീനർ കെ.സുധീഷ് കുമാർ എന്നിവർ സംസാരിച്ചു.

Tags:

General