Panchayat elections will mark the beginning of the end of Pinarayi regime: VDSatheesan.

തലയോലപ്പറമ്പ്: തദ്ദേശ സ്വയംഭരണ സ്ഥാപനങ്ങളിലേക്കുള്ള തെരഞ്ഞെടുപ്പ് അഴിമതിയിൽ മുങ്ങിക്കുളിച്ച ഇടതുമുന്നണി ഭരണത്തിന് എതിരായ വിധിയെത്താകുമെന്ന് പ്രതിപക്ഷ നേതാവ് വി. ഡി സതീശൻ അഭിപ്രായപ്പെട്ടു. യുഡിഎഫ് വൈക്കം നിയോജക മണ്ഡലം സ്ഥാനാർത്ഥി സംഗമവും പ്രവർത്തക കൺവെൻഷനും തലയോലപ്പറമ്പിൽ ഉദ്ഘാടനം ചെയ്യുകയായിരുന്നു അദ്ദേഹം.

ശബരിമല അയ്യപ്പ സ്വാമിയുടെ സ്വർണ്ണം മോഷ്ടിച്ചതിന് റിമാൻ്റിലായി ജയിലിൽ കിടക്കുന്ന സി.പി.എം നേതാക്കൾക്കെതിരെ നടപടി എടുക്കാൻ കഴിയാത്തത് പാർട്ടി അവരെ ഭയക്കുന്നതു കൊണ്ടാണെന്നും,അവർ വായതുറന്നാൽ സി.പി.എം മന്ത്രിമാർ കൂടി ജയിലിലാകുമെന്നും അദ്ദേഹം അഭിപ്രായപ്പെട്ടു. വൈക്കം നിയോജക മണ്ഡലത്തിലെ പഞ്ചായത്തുകളിൽ യുഡിഎഫ് വലിയ വിജയം നേടുമെന്നും അടുത്ത നിയമസഭാ തിരഞ്ഞെടുപ്പിൽ വൈക്കത്തു നിന്നും യു.ഡിഎഫിന് എംഎൽഎ ഉണ്ടാകുമെന്നും അദ്ദേഹം പറഞ്ഞു. യു.ഡി.എഫ് നിയോജകമണ്ഡലം ചെയർമാൻ പേൾസൺജോസഫ് അധ്യക്ഷത വഹിച്ചു. അഡ്വ. ഫ്രാൻസിസ് ജോർജ്ജ് എം. പി., മഹിളാ കോൺഗ്രസ് അധ്യക്ഷ അഡ്വ. ജെബി മേത്തർ എം പി, മോൻസ് ജോസഫ് എം എൽ എ , കോൺഗ്രസ് രാഷ്ട്രീയ കാര്യസമിതിയംഗം ജോസഫ് വാഴയ്ക്കൻ, ഡി സി സി പ്രസിഡൻ്റ് നാട്ടകം സുരേഷ്, യു.ഡി.എഫ് ജില്ലാ കൺവീനർ ഫിൽസൺ മാത്യൂസ്, യു.ഡി.എഫ് നിയോജക മണ്ഡം കൺവീനർ ബി.അനിൽകുമാർ, വിവിധ ഘടകകക്ഷി നേതാക്കളായ തമ്പി ചന്ദ്രൻ, ഷിഹാബ് വരവുകാല, കെ.കെ. മോഹനൻ, മോഹൻ ഡി ബാബു, എം. കെ ഷിബു, പി.ഡി. ഉണ്ണി തുടങ്ങിയവർ പ്രസംഗിച്ചു. യു.ഡി.എഫ് നേതാക്കളും പ്രവർത്തകരും തൃതല പഞ്ചായത്തിൽ മത്സരിക്കുന്ന സ്ഥാനാർഥികളും അടക്കം നൂറ് കണക്കിന് പേർ പങ്കെടുത്തു.

Tags:

പഞ്ചായത്ത് തെരഞ്ഞെടുപ്പ് പിണറായി ഭരണത്തിൻ്റെ അന്ത്യം കറിക്കലിന് തുടക്കമാകും: വി.ഡി.സതീശൻ.

More in Related News