കുന്ദമംഗലം :രാജ്യത്തെ ഏറ്റവും മികച്ച എൻ ഐ ടി കളിൽ ഒന്നായ കോഴിക്കോട് എൻ ഐ ടി യിൽ അടുത്ത അധ്യയന വർഷത്തിൽ ഒരു പുതിയ എം. ടെക് പ്രോഗ്രാം ആരംഭിക്കുന്നു. എം ടെക് ഇൻ ബയോ എഞ്ചിനീയറിംഗ് എന്ന പുതിയ പ്രോഗ്രാമിൽ അഡ്മിഷൻ നേടുന്നവർക്ക് ബയോളജി, എഞ്ചിനീയറിംഗ്, മെഡിസിൻ എന്നീ വിഷയങ്ങളിലെ സംയുക്ത പഠനമാണ് ഉറപ്പുവരുത്തുക.

എഞ്ചിനീറിങ്ങിലെയും മറ്റു വിഷയങ്ങളിലെയും തത്വങ്ങളും സാങ്കേതിക വിദ്യകളും സംയോജിപ്പിച്ച് ജൈവ, ആരോഗ്യ സംരക്ഷണ വെല്ലുവിളികൾക്കുള്ള നൂതനമായ പരിഹാരങ്ങൾ വികസിപ്പിക്കുന്നതിന് പ്രാപ്‌തരായ വിദഗ്ധരെ വാർത്തെടുക്കുക എന്നതാണ് പുതിയ പ്രോഗ്രാമിന്റെ ലക്ഷ്യം. സെല്ഫ് സ്‌പോൺസേർഡ് മോഡിലാണ് സ്ഥാപനം ഈ പ്രോഗ്രാം വിഭാവനം ചെയ്തിരിക്കുന്നത്.

കഴിഞ്ഞ അധ്യയന വർഷത്തിലാണ് കോഴിക്കോട് എൻ ഐ ടി രണ്ട് സമ്പൂർണ സ്‌പോൺസേർഡ് എം ടെക് പ്രോഗ്രാമുകൾ ആരംഭിച്ചത്.

എം ടെക് പ്രോഗ്രാം ഇൻ ആർട്ടിഫിഷ്യൽ ഇൻ്റലിജൻസ് & ഡാറ്റ അനലിറ്റിക്‌സ് ആണ് പൂർണമായും സെൽഫ് ഫിനാൻസിംഗ് മോഡിൽ വാഗ്ദാനം ചെയ്യുന്ന പ്രോഗ്രാം. ജീവിതത്തിൻ്റെ എല്ലാ തുറകളിലും AI, ഡാറ്റാ അനലിറ്റിക്സ് പ്രൊഫഷണലുകൾക്കായി വർദ്ധിച്ചുവരുന്ന ആവശ്യം പരിഹരിക്കുന്നതിനാണ് പ്രോഗ്രാം തുടങ്ങിയത്.

ഇത് കൂടാതെ ഇലക്ട്രിക്ക് വെഹിക്കിൾ എഞ്ചിനീറിങ്ങിൽ സ്‌പോൺസേർഡ് എം ടെക് ഉം കഴിഞ്ഞവർഷം ആരംഭിച്ചു. വ്യവസായങ്ങൾ/ഓർഗനൈസേഷനുകൾ/ആർ&ഡി സ്ഥാപനങ്ങൾ സ്പോൺസർ ചെയ്യുന്ന പ്രൊഫഷണലുകൾക്കും സ്വയം സ്പോൺസർ ചെയ്യുന്ന ഉദ്യോഗാർത്ഥികൾക്കും ഈ പ്രോഗ്രാമിൽ അഡ്മിഷൻ നേട്ടം. അപേക്ഷകർ B.E./ B. Tech പാസായിരിക്കണം. ഇലക്‌ട്രിക്കൽ എഞ്ചിനീയറിംഗ്/ഇലക്‌ട്രിക്കൽ & ഇലക്‌ട്രോണിക്‌സ് എഞ്ചിനീയറിംഗ്/ഓട്ടോമൊബൈൽ എഞ്ചിനീയറിംഗ് അല്ലെങ്കിൽ ഒരു അംഗീകൃത ഇൻസ്റ്റിറ്റ്യൂട്ട്/യൂണിവേഴ്‌സിറ്റിയിൽ നിന്ന് തത്തുല്യമായ യോഗ്യത നേടിയവർക്കാണ് അപേക്ഷിക്കാൻ അർഹത.ഈ പ്രോഗ്രാമുകൾക്ക് പുറമേ, ഇൻസ്റ്റിറ്റ്യൂട്ടിൻ്റെ നിലവിലുള്ള പിജി പ്രോഗ്രാമുകൾക്കായി സ്വയം സ്പോൺസർ ചെയ്യുന്ന/ഇൻഡസ്ട്രി സ്പോൺസർ ചെയ്യുന്ന കുറച്ച് സീറ്റുകൾ ലഭ്യമാണ്.

സ്വയം സ്പോൺസർ ചെയ്യുന്നതും വ്യവസായസ്ഥാപനങ്ങൾ സ്പോൺസർ ചെയ്യുന്നതുമായ സീറ്റുകൾക്ക് ഗേറ്റ് സ്കോർ നിർബന്ധമല്ല.

അപേക്ഷാ ഫീസ് OPEN/EWS/OBC ഉദ്യോഗാർത്ഥികൾക്ക് 1,000/- രൂപയും SC/ST/PwD ഉദ്യോഗാർത്ഥികൾക്ക് 500/-രൂപയുമാണ്. ഓൺലൈൻ അപേക്ഷകൾ സ്വീകരിക്കുന്ന അവസാന തീയതി 05.05.2024 ആണ്. കൂടുതൽ വിവരങ്ങൾക്ക്, www.nitc.ac.in സന്ദർശിക്കുക അല്ലെങ്കിൽ ഡെപ്യൂട്ടി രജിസ്ട്രാർ അഡ്മിഷൻ, NIT കോഴിക്കോട് (Ph: 0495-2286119) എന്ന വിലാസത്തിൽ ബന്ധപ്പെടുക.