Mohammad Inan, who played a mini-ball in the Under 19 four-day Test against Australia, received a civic reception today

പുന്നയൂർക്കുളം:ഓസ്‌ട്രേലിയക്കെതിരായ അണ്ടർ 19 ചതുർദിന ടെസ്റ്റിൽ മിനും പ്രകടനം കാഴ്ചവെച്ച പുന്നയൂർക്കുളം പരൂർ സ്വദേശി മുഹമ്മദ് ഇനാന് പിഎംഎം സ്പോർട്സ് ക്ലബ്ബിന്റെ നേതൃത്വത്തിൽ ഇന്ന് പൗര സ്വീകരണം നൽകുമെന്ന് പുന്നയൂർക്കുളത്ത് നടത്തിയ വാർത്താസമ്മേളനത്തിൽ ഭാരവാഹികൾ അറിയിച്ചു.ഇനാന്റെ മികവിൽ ഇന്ത്യ ഓസ്‌ട്രേലിയക്കെതിരായ അണ്ടർ 19 ചതുർദിന ടെസ്റ്റിൽ ജയം കൈവരിച്ചിരുന്നു.ആറ് വികറ്റുകളാണ് മുഹമ്മദ്‌ ഇനാൻ നേടിയത്.ആദ്യ ഇന്നി‌ങ്സിൽ 3 വിക്കറ്റ് നേടിയിരുന്നു.നാട്ടിലേക്കുള്ള വരവ് ആഘോഷമാക്കാൻ കാത്തിരിക്കുകയാണ് നാട്.ഇന്ന് ജെന്മനാടായ പരൂരിൽ ഉജ്ജ്വല സ്വീകരണം നൽകും.വൈകിട്ട് നാലുമണിക്ക് ആൽത്തറ തടാകം ടൗൺഷിപ്പിൽ നിന്നും തുറന്ന വാഹനത്തിൽ വാദ്യമേളത്തിന്റെ അകമ്പടിയോടുകൂടി ആനയിച്ച് സ്വീകരണ റാലി ആരംഭിച്ച് പരൂർ ഡ്രീം പാലസിൽ സമാപിക്കും.തുടർന്ന് നടക്കുന്ന സ്വീകരണ യോഗത്തിൽ വഖ്‌ഫ് ബോർഡ് ചെയർമാൻ അഡ്വ.എം.കെ.ഷക്കീർ,ബ്ലോക്ക് പഞ്ചായത്ത് പ്രസിഡന്റ് കെ.ആഷിത,പുന്നയൂർക്കുളം പഞ്ചായത്ത് പ്രസിഡന്റ് ജാസ്മിൻ ഷെഹീർ,വടക്കേക്കാട് പഞ്ചായത്ത് പ്രസിഡന്റ് എൻ.എം.കെ.നബീൽ,ത്രിതല പഞ്ചായത്ത് മെമ്പർമാരും,സ്പോർട്സ് കൗൺസിൽ ജില്ലാ പ്രസിഡന്റ് കെ.ആർ.സാംബശിവൻ,ക്രിക്കറ്റ് കോച്ച്മാരായ ദിനേശ് ഗോപാലകൃഷ്ണൻ,ബാലകൃഷ്ണൻ തുടങ്ങിയവർ സ്വീകരണ യോഗത്തിൽ പങ്കെടുക്കുമെന്ന് പൗരസമിതി ഭാരവാഹികൾ അറിയിച്ചു.പൗരസമിതി ഭാരവാഹികളായ ചെയർമാൻ സക്കരിയ കുന്നച്ചം വീട്ടിൽ,ജനറൽ കൺവീനർ കെ.വി.നാസർ,വൈസ് ചെയർമാൻ സജീവ് കരുമാലിക്കൽ,ട്രഷറർ പി.എം.സൈനുദ്ദീൻ,പിഎംഎം പ്രസിഡന്റ് അഹമ്മദണ്ണി,മീഡിയ ഇൻചാർജ് ഷെരീഫ് പാണ്ടോത്തയിൽ എന്നിവർ വാർത്താസമ്മേളനത്തിൽ പങ്കെടുത്തു.