'Minister resigns Season 1, Season 2 begins tomorrow': KT. P K Firoz against Jaleel

മലപ്പുറം : ഇടത് എംഎല്‍എ കെ.ടി ജലീലിനെതിരെ വിമർശനവുമായി യൂത്ത്ലീഗ് നേതാവ് പി.കെ. ഫിറോസ്. മന്ത്രിസ്ഥാനം രാജിവെപ്പിച്ചത് സീസണ്‍ 1 ആണെന്നും എംഎല്‍എ സ്ഥാനം രാജിവെപ്പിക്കുന്ന സീസണ്‍ 2 നാളെ യൂത്ത് ലീഗ് ആരംഭിക്കുമെന്നും അദ്ദേഹം പറഞ്ഞു. മലപ്പുറം പൂക്കോട്ടൂർ യൂത്ത് ലീഗ് സമ്മേളനം ഉദ്ഘാടനം ചെയ്യുകയായിരുന്നു ഫിറോസ്.

വയനാട്ടില്‍ ലീഗ് വാങ്ങിയ സ്ഥലത്ത് പുനരധിവാസ പാക്കേജ് നടപ്പാക്കാൻ കഴയില്ലെന്നാണ് ജലീല്‍ പറഞ്ഞത്. എന്നാല്‍ അവിടെ 105 വീടുകളുടെ നിർമാണ ഉദ്ഘാടനം പാണക്കാട് സയ്യദ് സാദ്ദിഖലി ശിഹാബ് തങ്ങള്‍ നിർവഹിച്ചു. അങ്ങാടിയില്‍ തോറ്റതിന് അമ്മയോടെന്ന് കേട്ടിട്ടുണ്ട്, എന്നാല്‍ അങ്ങാടിയില്‍ തോറ്റതിന് മുണ്ട് പൊക്കി കാണിക്കുന്ന അല്‍പ്പനെയാണ് തനിക്ക് കാണാൻ സാധിച്ചതെന്നും പി.കെ. ഫിറോസ് പറഞ്ഞു.

സിബിഐയില്‍ പരാതി കൊടുത്താലും രോമത്തിന് പോറല്‍ പോലും ഏല്‍പ്പിക്കാൻ കഴിയില്ല. ഒരു ലീഗ് പ്രവർത്തകന്റെയും ദേഹത്ത് മണ്ണിടാൻ കഴിയില്ലെന്നത് തന്റെ ആത്മവിശ്വാസമാണെന്നും അദ്ദേഹം കൂട്ടിച്ചേർത്തു.

നാളെ 3 മണിക്ക് പി കെ ഫിറോസും യൂത്ത് ലീഗ് ഭാരവാഹികളും മലയാളം സര്‍വകലാശാലക്കായി ഏറ്റെടുത്ത തിരൂരിലെ ഭൂമി സന്ദര്‍ശിക്കുന്നുണ്ട്. ഉന്നത വിദ്യാഭ്യാസ മന്ത്രിയായിരിക്കെ സര്‍വ്വകലാശാലയ്ക്കായി ഭൂമി ഏറ്റെടുത്തതില്‍ കെ ടി ജലീല്‍ വ്യാപക അഴിമതി നടത്തിയതായി നേരത്തെ പി കെ ഫിറോസ് ആരോപിച്ചിരുന്നു. വിവാദം സജീവമാക്കാനാണ് യൂത്ത് ലീഗ് നീക്കം.

Tags:

enlightmedia,malayalamnews,kerala,latestnews