ഹെല്‍ത്തി കിഡ്‌സ് പദ്ധതിയുടെ ഉദ്ഘാടനം

30 Jan 2025 16:40 IST

Share News :

ചെറുതോണി: കായിക വകുപ്പും പൊതു വിദ്യാഭ്യാസ വകുപ്പും സംയുക്തമായി നടപ്പാക്കുന്ന പ്രൈമറി വിദ്യാര്‍ഥികള്‍ക്കുള്ള സമഗ്ര ആരോഗ്യ കായിക വിദ്യാഭ്യാസ പ്രോത്സാഹന പദ്ധതിയായ ഹെല്‍ത്തി കിഡ്‌സ് പദ്ധതിയുടെ ഉദ്ഘാടനം വാഴത്തോപ്പ് ഗവ. എല്‍.പി സ്‌കൂളില്‍ മന്ത്രി റോഷി അഗസ്റ്റിന്‍ നിര്‍വഹിച്ചു. ആരോഗ്യമുള്ള യുവ തലമുറക്കായി ചെറുപ്പം മുതല്‍ കരുതല്‍ വേണം എന്ന് അദ്ദേഹം പറഞ്ഞു. ഇതിന് സര്‍ക്കാര്‍ തലത്തില്‍ നിയോജകമണ്ഡല അടിസ്ഥാനത്തില്‍ കായിക വകുപ്പ് മുഖേന പദ്ധതികള്‍ നടപ്പാക്കി വരികയാണ്. ഇടുക്കി നിയോജകമണ്ഡലത്തില്‍ രണ്ട് സ്‌കൂളുകളിലാണ് പദ്ധതി നടപ്പിലാക്കുന്നത്. പ്രൈമറി തലം മുതല്‍ കായിക അഭിരുചി കുട്ടികളില്‍ വളര്‍ത്തുകയെന്ന ലക്ഷ്യം. ഗ്രാമപഞ്ചായത്ത് പ്രസിഡന്റ് ജോര്‍ജ് പോള്‍ അധ്യക്ഷത വഹിച്ച യോഗത്തില്‍ വിദ്യാഭ്യാസ സ്റ്റാന്‍ഡിംഗ് കമ്മിറ്റി ചെയര്‍പേഴ്‌സണ്‍ ആലീസ് ജോസ്, ഹെല്‍ത്തി കിഡ്‌സ് കോര്‍ഡിനേറ്റര്‍ ഹരി പ്രഭാകരന്‍, ഗ്രാമപഞ്ചായത്ത് വൈസ് പ്രസിഡന്റ് മിനി ജേക്കബ്, വികസനകാര്യ സ്റ്റാന്റിംഗ് കമ്മിറ്റി ചെയര്‍മാന്‍ സിജി ചാക്കോ, ക്ഷേമകാര്യ സ്റ്റാന്റിംഗ് കമ്മിറ്റി ചെയര്‍പേഴ്‌സണ്‍ ഏലിയാമ്മ ജോയി, പഞ്ചായത്ത് അംഗങ്ങളായ രാജു കല്ലറക്കല്‍, വിന്‍സന്റ് വി.എം, സെലിന്‍ വില്‍സണ്‍, കുട്ടായി കറുപ്പന്‍, ടിന്റു സുഭാഷ്, നിമ്മി ജയന്‍, പ്രഭ തങ്കച്ചന്‍, റ്റി.ഇ നൗഷാദ് എന്നിവര്‍ പ്രസംഗിച്ചു.