Karimbadam DD Church School Champions

കരിമ്പാടം ഡിഡി സഭ സ്‌കൂള്‍ ചാമ്പ്യന്‍മാര്‍

വെള്ളിക്കുളങ്ങര: പ്രസന്റേഷന്‍ കോണ്‍വെന്റ് ഹൈസ്‌കൂള്‍ വോളിബോള്‍ ടൂര്‍ണമെന്റ് കമ്മിറ്റി സംഘടിപ്പിച്ച 24-ാമത് അഖിലകേരള ഇന്റര്‍ സ്‌കൂള്‍ വോളിബോള്‍ ടൂര്‍ണമെന്റില്‍ കരിമ്പാടം ഡിഡി സഭ ഹയര്‍ സെക്കന്‍ഡറി സ്‌കൂള്‍ ടീം ചാമ്പ്യന്‍മാരായി. ഫൈനല്‍ മല്‍സരത്തില്‍ കുറ്റിക്കാട് സെന്‍ര് സെബാസ്റ്റ്യന്‍്‌സ് ഹയര്‍ സെക്കന്‍ഡറി സക്ൂളിനെയാണ് ഇവര്‍ പരാജയപ്പെടുത്തിയത്. വിജയികള്‍ക്ക് കസ്റ്റംസ് സുപ്രണ്ടും ഇന്റര്‍നാഷണല്‍ വോളിബോള്‍ താരവുമായ യൂസഫ് കെ. ഇബ്രാഹിം ട്രോഫികള്‍ സമ്മാനിച്ചു. സമാപനയോഗം ജില്ല വോളിബോള്‍ ടെക്‌നിക്കല്‍ കമ്മിറ്റി എക്‌സിക്യൂട്ടീവ് അംഗം ജോഫി ജോര്‍ജ് ഉദ്ഘാടനം ചെയ്തു. ജില്ല വോളിബോള്‍ ടെക്‌നിക്കല്‍ കമ്മിറ്റി എക്‌സിക്യൂട്ടീവ് അംഗം കെ.ആര്‍.ഷാജു ലൂയിസ് അധ്യക്ഷത വഹിച്ചു. മറ്റത്തൂര്‍ ഗ്രാമപഞ്ചായത്ത് പ്രസിഡന്റ് അശ്വതി വിബി , പ്രധാനധ്യാപിക സിസ്റ്റര്‍ ലിസ്മിന്‍, വെള്ളികുളങ്ങര ഹോളിഫാമിലി പള്ളി വികാരി ഫാ. ബെന്നി ചെറുവത്തൂര്‍, പ്രസന്റേഷന്‍ കോണ്‍വെന്റ് മദര്‍ സുപ്പീരിയര്‍ സിസ്റ്റര്‍ റീന്‍ മരിയ,ജയ്‌മോള്‍ ജോസഫ്, പിടിഎ പ്രസിഡന്റ് വി.ജി.സത്യന്‍ എന്നിവര്‍ പ്രസംഗിച്ചു.