കടുത്തുരുത്തി സെന്റ് മേരീസ് ഫൊറോനാ താഴത്തുപള്ളിയുടെ നേതൃത്വത്തില്‍ വിശ്വാസ പ്രഖ്യാപന റാലി നടത്തി

23 Nov 2025 19:58 IST

Share News :

Kaduthuruthy conducted a faith proclamation rally under the leadership of St. Mary's Forona Downathupalli

കടുത്തുരുത്തി: ക്രിസ്തുരാജന്റെ തിരുനാളാഘോഷത്തോടുനുബന്ധിച്ചു കടുത്തുരുത്തിയില്‍ നടന്ന

വിശ്വാസറാലി ക്രിസ്തീയ വിശ്വാസത്തിന്റെ നേര്‍സാക്ഷ്യമായി.

ക്രിസ്തുരാജന്റെ തിരുനാളാഘോഷത്തിലും വിശ്വാസറാലിയിലും

പങ്കെടുക്കാനെത്തിയത് ജനസാഗരം. കടുത്തുരുത്തി സെന്റ് മേരീസ് ഫൊറോനാ താഴത്തുപള്ളിയുടെ നേതൃത്വത്തിലാണ് വിശ്വാസ പ്രഖ്യാപന റാലി നടത്തിയത്. പള്ളിയങ്കണത്തില്‍ നിന്നും ആരംഭിച്ച വിശ്വാസ പ്രഖ്യാപനറാലി ഫൊറോനാ വികാരി ഫാ.മാത്യു ചന്ദ്രന്‍കുന്നേല്‍ ക്രിസ്തുരാജത്വ സന്ദേശം നല്‍കി ഉദ്ഘാടനം ചെയ്തു. പഴയപള്ളി ചുറ്റി മെയിന്‍ റോഡില്‍ പ്രവേശിച്ചു സപ്ലൈക്കോ ലാഭം മാര്‍ക്കറ്റിന് മുന്നിലൂടെ നീങ്ങിയ റാലി പള്ളിയില്‍ തിരിച്ചെത്തി. റാലിക്ക് മുമ്പില്‍ മുദ്രാവാക്യങ്ങള്‍ വിളിച്ചു അനൗണ്‍സ്മെന്റ് വാഹനവും ഉണ്ടായിരുന്നു. വിശുദ്ധ കുര്‍ബാനയോടെ തിരുനാളാഘോഷങ്ങള്‍ സമാപിച്ചു. വിശ്വാസറാലിക്കും തിരുനാള്‍ തിരുകര്‍മങ്ങള്‍ക്കും ഫൊറോനാ വികാരി ഫാ.മാത്യു ചന്ദ്രന്‍കുന്നേല്‍, സഹവികാരിമാരായ ഫാ.ജോണ്‍ നടുത്തടം, ഫാ.ഏബ്രഹാം പെരിയപ്പുറം, കൈക്കാരന്മാര്‍, പള്ളി കമ്മിറ്റിയംഗങ്ങള്‍, സണ്‍ഡേ സ്‌കൂള്‍ അധ്യാപകര്‍, കുടുംബ കൂട്ടായ്മ ഭാരവാഹികള്‍, വിവിധ സംഘടനാ ഭാരവാഹികള്‍ തുടങ്ങിയവര്‍ നേതൃത്വം നല്‍കി.