Incident that caused travel disruption to the ambulance: The scooter rider's license has been suspended.

കോഴിക്കോട്: കോഴിക്കോട് മെഡിക്കൽ കോളേജിലേക്ക് അടിയന്തിര ചികിത്സക്കായി രോഗിയെയും കൊണ്ട് വന്ന ആംബുലൻസിന്

യാത്രാതടസം സൃഷ്ടിച്ച സംഭവത്തിൽ ഡ്രെെവറുടെ ലെെസൻസ് സസ്പെൻഡ് ചെയ്ത് സ്കൂട്ടർ മോട്ടോർ വാഹന വകുപ്പ്. ആറു മാസത്തേക്കാണ് കോഴിക്കോട് ചെലവൂർ സ്വദേശി അഫ്നസിന്റെ ലെെസൻസ് സസ്പെൻഡ് ചെയ്തത്.

ഇന്നലെ ഉച്ചയോടെ കോഴിക്കോട് ആർ.ടി.ഒ ഓഫീസിൽ ഹാജരായ അഫ്നസ് കുറ്റം സമ്മതിച്ചിട്ടുണ്ട്. 5000 രൂപ പിഴയൊടുക്കാനും മോട്ടോർ വാഹന വകുപ്പ് നടത്തുന്ന പരിശീലന ക്ലാസിൽ പങ്കെടുക്കുവാനും നിർദേശം നൽകി.

തിങ്കളാഴ്ച രാത്രി ഒൻപത് മണിയോടെയാണ് സംഭവം. അടിയന്തിര ചികിത്സ ആവശ്യമായ രോഗിയുമായി മേപ്പാടിയിൽ നിന്നും കോഴിക്കോട് മെഡിക്കൽ കോളേജിലേക്ക് പോയ ആംബുലൻസിനാണ് സ്കൂട്ടർ യാത്രാ തടസം സൃഷ്ടിച്ചത്. അടിവാരത്തിനു സമീപത്ത് വെച്ച് ആംബുലൻസിന് മുന്നിൽ കയറിയ സ്കൂട്ടർ, പല തവണ അടിയന്തിര സെെറൺ മുഴക്കിയിട്ടും കാരന്തൂർ ജംഗ്ഷൻ വരെ, ആംബുലൻസിന് മുന്നിൽ നിന്നും മാറാൻ തയ്യാറായില്ല. ഇതോടെ ഒരു മണിക്കൂർ വെെകിയാണ് ആംബുലൻസ് മെഡിക്കൽ കോളേജിലെ അടിയന്തിര വിഭാഗത്തിൽ എത്തിയത്. ആശുപത്രിയിലെത്തിച്ച ശേഷം രോഗിക്ക് അടിയന്തിര വെെദ്യ സഹായം നൽകി.

Tags:

Tag - 1 MVD action to bike rider