Football Academy Inauguration and Joyce's Release '

മുക്കം:വിദ്യാർത്ഥികളിലെ ഫുട്ബോൾ പ്രതിഭകളെ കണ്ടെത്തി പ്രത്യേകം കോച്ചിംഗ് നൽകി മികവുറ്റ കളിക്കാരാക്കി മാറ്റാൻ കൊടിയത്തൂർ ജി. എം യുപി സ്കൂളിൽ ഫുട്ബോൾ അക്കാദമി ഉദ്ഘാടനവും ജേഴ്സി പ്രകാശനവും സംഘടിപ്പിച്ചു. കൊടിയത്തൂർ ഗ്രാമപഞ്ചായത്ത് പ്രസിഡന്റ് ദിവ്യ ഷിബു ചടങ്ങു ഉദ്ഘാടനം ചെയ്തു. പുതിയ ജേഴ്സിയുടെ പ്രകാശനം കേരള സന്തോഷ് ട്രോഫി താരം നൗഷാദ് പ്യാരി നിർവഹിച്ചു.

പിടിഎ പ്രസിഡന്റ് റഷീദ് കുയ്യിൽ അധ്യക്ഷത വഹിച്ചു. അണ്ടർ 19 ദേശീയ ഫുട്ബോൾ ടൂർണ്ണമെന്റിൽ ജേതാക്കളായ കേരളാ ടീമിന്റെ പരിശീലകൻ സലീം കൊളായി, കേരള ജൂനിയർ ടീമിലിടം നേടിയ പൂർവവിദ്യാർത്ഥി മിജുവാദ്, കൊടിയത്തൂർ .ജി. എം യുപി സ്കൂൾ ഫിസിക്കൽ ട്രെയിനർ ഷമീൽ, കൊടിയത്തൂർ ഏരിയ എമിറേറ്റ്സ് ഫോറം ഭാരവാഹികൾ എന്നിവരെ ആദരിച്ചു. കോഴിക്കോട് ജില്ല ഫുട്ബോൾ അസോസിയേഷൻ വൈസ് പ്രസിഡന്റ് എം.എ. അബ്ദുൽ അസീസ് ആരിഫ്,എസ് എം സി ചെയർമാൻ നൗഫൽ പുതുക്കുടി, അധ്യാപകരായ നജീബ് ആലുക്കൽ, പി.അനിത,, സുലൈഖ വാളപ്ര, എം. പി. ജസീദ , പ്രധാനധ്യാപിക എം. കെ. ഷക്കീല , ഫൈസൽ പാറക്കൽ തുടങ്ങിയവർ സംബന്ധിച്ച്.

Tags:

enlightmedia,malayalamnews,kerala,latestnews