Deshguruthy outside the Moodedath Kavu Bhagavathy Temple in the north on February 6; preparations started.

വൈക്കം: മൂത്തേടത്ത് കാവ് ഭഗവതി ക്ഷേത്രത്തിൽ വടക്കു പുറത്ത് ദേശഗുരുതി നടത്തുന്നതിനുള്ള ഒരുക്കങ്ങൾ ആരംഭിച്ചു. ഫെബ്രുവരി 6 ന് നടത്തുന്ന ദേശഗുരുതിയുടെ ഒരുക്കങ്ങൾ തന്ത്രി മോനാട്ടുമന കൃഷ്ണൻ നമ്പൂതിരി ദീപം തെളിയിച്ച് ഉദ്ഘാടനം ചെയ്തു. വൈക്കം ഡി. വൈ. എസ്.പി. . ടി.ബി. വിജയൻ റിട്ട. പ്രൊഫസർ സുമ ഉഴുന്നുമേലിന് കൂപ്പൺ നല്കി നിധിസമാഹരണം ഉദ്ഘാടനം ചെയ്തു. ഊരാഴ്മക്കാരായ ഇണ്ടംതുരുത്തിമന നീലകണ്ഠൻ നമ്പൂതിരി, മുരിഞ്ഞൂർമന വിഷ്ണു നമ്പൂതിരി, ആനത്താനത്ത് ഇല്ലത്ത് എ.ജി. വാസുദേവൻ നമ്പൂതിരി, ക്ഷേത്ര കാര്യദർശി ഇണ്ടംതുരുത്തി മന ഹരിഹരൻ നമ്പൂതിരി, മേൽശാന്തി ജയചന്ദ്രൻ പോറ്റി, മുരിഞ്ഞൂർമന സുബ്രഹ്മണ്യൻ നമ്പൂതിരി എന്നിവർ പങ്കെടുത്തു. വൈക്കം മഹാദേവ ക്ഷേത്രത്തിൽ നടന്ന വടക്കുപുറത്ത് പാട്ടിന്റെ ചടങ്ങുകൾ പൂർത്തിയാകുന്നത് മൂത്തേടത്ത് കാവിൽ നടത്തുന്ന ദേശഗുരുതിയോടെയാണ്. ഗുരുതിക്ക് 42 ദിവസം മുമ്പ് ഡിസംബർ 27 ന് ക്ഷേത്രത്തിന്റെ വടക്കേ തിരുമുറ്റത്ത് കാൽനാട്ടും. കാൽനാട്ടിയ നാൾമുതൽ 41 ദിവസം തെക്കു പുറത്ത് ഗുരുതിയും നടത്തും. തെക്കുപുറത്ത് ഗുരുതിയുടെ സമാപന പന്ത്രണ്ടു നാളുകളിൽ പന്തീരായിരം പുഷ്പാജ്ഞലിയും ഉണ്ടാകും. 64 കണ്ടങ്ങൾ വീതംനാലു തടങ്ങൾ ചേർത്താണ് വടക്കു പുറത്ത് ഗുരുതിക്കായി തടം ഒരുക്കുന്നത്. ഗുരുതിയുടെ ഭാഗമായി 12 ദിവസം പുഷ്പാഭിഷേകം, തീയാട്ട് , താലപ്പൊലി, വടക്കു പുറത്ത് പാട്ട് എന്നിവയും വിവിധ കലാപരികളും നടക്കും.