Award for Best District Legal Services Authority Ernakulam District

മികച്ച ജില്ലാ ലീഗൽ സർവീസസ് അതോറിറ്റിക്കുള്ള അവാർഡ് എറണാകുളം ജില്ലക്ക്

കൊച്ചി: കേരളത്തിലെ മികച്ച ജില്ലാ ലീഗൽ സർവീസസ് അതോറിറ്റിക്കുള്ള അവാർഡ് എറണാകുളം ജില്ലാ ലീഗൽ സർവീസസ് അതോറിറ്റിക്ക്.

ഭിന്നശേഷിക്കാർ, ആദിവാസികൾ, മുതിർന്ന പൗരന്മാർ, ട്രാൻസ്‌ജെൻഡർമാർ തുടങ്ങിയ വിവിധ മേഖലകളിലെ പ്രവർത്തനങ്ങൾ പരിഗണിച്ചാണ് എറണാകുളത്തെ തിരഞ്ഞെടുത്തത്. മികച്ച രണ്ടാമത്തെ ഡിഎൽഎസ്എയ്ക്കുള്ള പുരസ്‌കാരം തിരുവനന്തപുരത്തിനും മൂന്നാമത്തെ മികച്ച ഡിഎൽഎസ്എയ്ക്കുള്ള പുരസ്‌കാരം മഞ്ചേരിക്കും ലഭിച്ചു.

ഹൈക്കോടതി ഓഡിറ്റോറിയത്തിൽ നടന്ന ചടങ്ങിൽ അവാർഡുകൾ വിതരണം ചെയ്തു. എറണാകുളം പ്രിൻസിപ്പൽ ജില്ലാ ജഡ്ജിയും ചെയർപേഴ്സനുമായ ഹണി എം വർഗീസ്, സബ് ജഡ്ജിയും ഡിഎൽഎസ്എ സെക്രട്ടറിയുമായ രഞ്ജിത്ത് കൃഷ്ണൻ എന്നിവർ കെൽസ എക്സിക്യൂട്ടീവ് ചെയർമാൻ ജസ്റ്റിസ് എ മുഹമ്മദ് മുഷ്താഖിൽ നിന്ന് മികച്ച ഡിഎൽഎസ്എ അവാർഡ് ഏറ്റുവാങ്ങി. ജസ്റ്റിസ് സി എസ് ഡയസ്, ജസ്റ്റിസ് മേരി ജോസഫ്, ജസ്റ്റിസ് വി ശ്യാംകുമാർ, ജില്ലാ ജഡ്ജിയും കെൽസ മെമ്പർ സെക്രട്ടറിയുമായ ശ്രീ ജോഷി ജോൺ ജില്ലാ ജഡ്ജിയും എഡിആർ ഡയറക്ടറുമായ ശ്രീമതി ജുബിയ എ എന്നിവർ സംസാരിച്ചു. ചടങ്ങിൽ കേരളത്തിലെ എല്ലാ ഡിഎൽഎസ്എ ചെയർപേഴ്സൺമാരും സെക്രട്ടറിമാരും ടിഎൽഎസ്സി ചെയർപേഴ്സൺമാരും പങ്കെടുത്തു

Tags: