ഇന്ന് വിവാഹം നടക്കാനിരിക്കെ കോട്ടയത്ത് യുവാവ് ബൈക്ക് അപകടത്തിൽ മരിച്ചു, ഒപ്പമുണ്ടായിരുന്ന സുഹൃത്ത് ഗുരുതരമായ പരിക്കുകളോടെ ആശുപത്രിയിൽ ചികിത്സയിൽ.

30 Jan 2025 08:49 IST

Share News :

A young man died in a bike accident in Kottayam when the wedding was to take place today and his friend was seriously injured and was undergoing treatment at the hospital.

കോട്ടയം: ഇന്ന് വിവാഹം നടക്കാനിരിക്കെ യുവാവ് ബൈക്ക് അപകടത്തിൽ മരിച്ചു. എംസി റോഡിൽ കാളികാവിലുണ്ടായ അപകടത്തിൽ കടപ്ലാമറ്റം വയലാ സ്വദേശിയായ യുവാവാണ് മരിച്ചത്.

ഇയാൾക്കൊപ്പം സഞ്ചരിച്ച സുഹൃത്തിനെ ഗുരുതര പരിക്കുകളോടെ കോട്ടയം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. കടപ്ലാമറ്റം വയലാ നെല്ലിക്കുന്ന് ഭാഗത്ത് കൊച്ചുപാറയിൽ ജിൻസണിന്റെ മകൻ ജിജോ ജിൻസണാണ് (21) മരിച്ചത്. ഇയാൾക്കൊപ്പമുണ്ടായിരുന്ന വയലാ സ്വദേശി അജിത്തിനെ പരിക്കുകളോടെ കോട്ടയം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. ബുധനാഴ്ച രാത്രി 10 മണിയോടെയാണ് അപകടം ഉണ്ടായത്.

എം.സി റോഡിൽ കാളികാവ് ഭാഗത്ത് വച്ച് ഇരുവരും സഞ്ചരിച്ചിരുന്ന ബൈക്കിൽ ട്രാവലർ ഇടിയ്ക്കുകയായിരുന്നു. ഇടിയുടെ ആഘാതത്തിൽ റോഡിൽ തെറിച്ച് വീണ യുവാവിനെ നാട്ടുകാർ ചേർന്നാണ് ആശുപത്രിയിൽ എത്തിച്ചത്. കോട്ടയം മെഡിക്കൽ കോളേജ് ആശുപത്രിയിൽ എത്തിച്ചെങ്കിലും മരണം സംഭവിച്ചിരുന്നു. വയലാ സ്വദേശിനിയായ യുവതിയുമായി ജിജോയുടെ വിവാഹം ഇന്ന് രാവിലെ 10 ന് ഇലയ്ക്കാട് പള്ളിയിൽ വിവാഹം നടക്കാനിരിക്കെയാണ് യുവാവിന്റെ മരണം. മൃതദേഹം കോട്ടയം മെഡിക്കൽ കോളേജ് ആശുപത്രി മോർച്ചറിയിൽ.

Tags:

ഇന്ന് വിവാഹം നടക്കാനിരിക്കെ കോട്ടയത്ത് യുവാവ് ബൈക്ക് അപകടത്തിൽ മരിച്ചു ഒപ്പമുണ്ടായിരുന്ന സുഹൃത്ത് ഗുരുതരമായ പരിക്കുകളോടെ ആശുപത്രിയിൽ ചികിത്സയിൽ.

More in Related News