22 Aug 2024 07:21 IST
Share News :
കോട്ടയം: പുതിയ ജില്ല പൊലീസ് മേധാവിയായി എ. ഷാഹുൽ ഹമീദ് ചുമതലയേറ്റു.
മുവാറ്റുപുഴ സ്വദേശിയായ അദ്ദേഹം കേരള കേഡർ ഐ.പി.എസ് ഉദ്യോഗസ്ഥനാണ്. മൂവാറ്റുപുഴ നിർമല മാത കോളജിൽനിന്നും ഫിസിക്സിൽ ബിരുദവും കാലടി സർവകലാശാലയിൽനിന്നും എം.എസ്.ഡബ്ല്യു ബിരുദാനന്തരബിരുദവും നേടി. എൽ.ഡി ക്ലർക്ക്, സെക്രട്ടേറിയറ്റ് അസിസ്റ്റന്റ് തുടങ്ങിയ തസ്തികകളിൽ സേവനമനുഷ്ഠിച്ചിട്ടുണ്ട്.
സെക്രട്ടേറിയേറ്റ് അസിസ്റ്റന്റായി പ്രവർത്തിച്ചു വരവെയാണ് അദ്ദേഹം യു.പി.എസ്.സി പരീക്ഷ എഴുതിയത്. 2020ൽ പാലക്കാട് എ.എസ്.പിയായാണ് ആദ്യനിയമനം. മുൻ ജില്ല പൊലീസ് മേധാവിയായിരുന്ന കെ. കാർത്തിക്കിൽനിന്നുമാണ് ചുമതല ഏറ്റെടുത്തത്. കെ. കാർത്തിക്കിന് വിജിലൻസ് ആൻഡ് ആന്റി കറപ്ഷൻസ് ബ്യൂറോ ഹെഡ് ക്വാർട്ടേഴ്സിലേക്ക് എസ്.പി ആയിട്ടാണ് സ്ഥലംമാറ്റം.
Follow us on :
More in Related News
Please select your location.